వైఎస్‌ జగన్‌ను కలిసిన ఇంటూరి రవికిరణ్‌ భార్య సుజన

తన భర్త సోషల్‌మీడియా యాక్టివిస్ట్‌ ఇంటూరి రవికిరణ్‌ను పోలీసులు కావాలనే వేధిస్తున్నారని ఆయన భార్య ఇంటూరి సుజన ఆవేదన వ్యక్తం చేశారు. తాడేపల్లిలో వైసీపీ అధినేత వైఎస్‌ జగన్‌ను ఆమె కలిశారు. తన భర్తను పోలీసులు కేసుల పేరిట వేధిస్తున్నారని తెలిపారు. రవికిరణ్‌ చెప్పని మాటలను పోలీసులే రాసుకుని కాగితాలపై సంతకం తీసుకున్నారని ఆరోపించారు. తన భర్తకు ఏమైనా జరిగితే పోలీసులదే బాధ్యత అని అన్నారు. తన భర్త ఇంటూరి రవికిరణ్‌పై ఇప్పటికి తొమ్మిది కేసులు పెట్టారని సుజన ఆవేదన వ్యక్తం చేశారు.