కిలో మామిడి రూ.3లక్షలు.. కానీ అమ్ముకోవడం ఎలా?

ఒడిశాలోని ఒక రైతు కిలోకు రూ. 3 లక్షల విలువైన ప్రపంచంలోనే అత్యంత ఖరీదైన మామిడిని పండిస్తూ వార్తల్లోకి ఎక్కారు. ఒడిశాలోని మల్కన్‌గిరి జిల్లాలోని తమస గ్రామంలో, దేబా పధియామి అనే రైతు ప్రసిద్ధ జపనీస్ మియాజాకి మామిడిని విజయవంతంగా పండించారు. ఈ పండు ఎంత అరుదైనదంటే, అంతర్జాతీయ మార్కెట్లలో అత్యుత్తమ నాణ్యత గల మామిడి పండ్లు కిలోకు దాదాపు రూ. 3 లక్షలకు అమ్ముడవుతాయని సమాచారం. ఇలాంటి మామిడిని పండించి తన కల నెరవేర్చుకున్న దేబా… ఇప్పుడు పూర్తిగా భిన్నమైన సమస్యను ఎదుర్కొంటున్నారు, ఎందుకంటే వాటిని ఎలా అమ్ముకోవాలో ఆయనకు తెలియడం లేదు. ప్రస్తుతానికి తోటలోనే కాపలాగా ఉంటూ నిద్రలేని రాత్రులు గడుపుతున్నాడు.