విజయవాడలో మరోసారి డయేరియా కలకలం..20 మంది తీవ్ర అస్వస్థత

విజయవాడలో మరోసారి డయేరియా కలకలం రేగింది. గిరిపురంలో 20 మంది తీవ్ర అస్వస్థతతో ఆస్పత్రిలో చేరారు. తాగునీటి పైప్‌లైన్ లీక్ కావడంతో డయేరియా ప్రబలింది. గిరిపురంలో డయేరియా ప్రాంతాన్ని పరిశీలించిన మాజీ ఎమ్మెల్యే మల్లాది విష్ణు పరిశీలించారు.కలుషిత నీరు, అధ్వాన్నమైన శానిటేషన్, పూడుకుపోయిన డ్రైనేజీలే డయేరియాకు కారణమని విష్ణు ఆరోపించారు. సురక్షితమైన తాగునీరు అందించడంలో నగరపాలక సంస్థ పూర్తిగా విఫలమైందని నిప్పులు చెరిగారు. ప్రభుత్వం తగిన వైద్య సదుపాయాలు కల్పించకపోతే.. ప్రభుత్వంపై పోరు తప్పదని హెచ్చరించారు.