ఇరాన్‌పై అమెరికా మరోసారి దాడులు… సీమైన్స్‌ అమర్చే బోట్లు లక్ష్యంగా అటాక్

ఇరాన్‌పై అమెరికా మరోసారి దాడులు చేసింది. ఇరాన్‌ క్షిపణి ప్రయోగ కేంద్రాలపై అటాక్‌ చేసింది. సీమైన్స్‌ అమర్చే బోట్లు లక్ష్యంగా అమెరికా ఈ దాడులకు పాల్పడింది. ఆత్మరక్షణ కోసం ఈ దాడులు చేసినట్టు అమెరికా తెలిపింది. ఇక ఈ దాడులు జరుగుతున్న సమయంలోనే ఇరాన్‌కు చెందిన సీనియర్‌ నేతలతో ఖతార్‌ రాజధాని దోహాలో ఖతార్‌ ప్రధాన మంత్రి కీలక చర్చలు నిర్వహిస్తున్నారు. అమెరికా, ఇజ్రాయెల్‌లతో గత మూడు నెలలుగా కొనసాగుతున్న యుద్ధాన్ని ముగించేందుకు శాంతి ఒప్పందంపై చర్చలు సాగుతున్న వేళ ఈ దాడులు చోటుచేసుకోవడం అంతర్జాతీయంగా ఉద్రిక్తతలకు దారితీసింది.