ఫోన్‌ ట్యాపింగ్‌ కేసులో కొనసాగుతున్న దర్యాప్తు

 కాసేపట్లో మాజీ డీసీపీ రాధాకిషన్ రావును కోర్టు హాజరుపర్చనున్నారు పోలీసులు. ఇవాళ్టితో ఆయన కస్టడీ ముగియ నుండడంతో నాంపల్లి కోర్టులో హాజరుపరుస్తున్నారు. ఫోన్ ట్యాపింగ్ వ్యవహారంలో రాధాకిషన్‌ రావు ఏడు రోజుల కస్టడీలో అనేక విషయాలు రాబట్టారు అధికారులు. SIB ఆఫీసులో ఆధారాలు ధ్వంసం కేసులో తవ్వే కొద్ది కొత్త కొత్త విషయాలు బయటపడుతున్నాయి. ఈ కేసులో మాజీ SIB చీఫ్‌ ప్రభాకర్‌ రావు, సస్పెండెడ్‌ డీఎస్పీ ప్రణీత్‌ రావు, మాజీ డీసీపీ రాధాకిషన్‌ రావును ప్రధాన సూత్రధారులుగా భావిస్తున్నారు. ప్రభాకర్‌ రావు అమెరికాలో ఉండగా.. ప్రణీత్‌ రావును ఇప్పటికే దర్యాప్తు బృందం విచారించింది. ఇక రాధాకిషన్‌ రావును కస్టడీలోకి తీసుకుని విచారిస్తున్నారు.