ఎయిరిండియా ప్రమాదం… తండ్రి, అక్క గురించి ఆ శిశువుకు ఎప్పటికీ తెలియదు

గతేడాది అహ్మదాబాద్‌లో జరిగిన ఎయిరిండియా విమాన ప్రమాదం ఓ కుటుంబాన్ని ఛిన్నాభిన్నం చేసింది. మొబ్బహేరా వహోరా.. తన భర్త పర్వేజ్‌ వహోరా, నాలుగేళ్ల కుమార్తె జువేరియాను పోగొట్టుకుంది. కుటుంబ సభ్యులను కలిసి తిరిగి తండ్రీకూతుళ్లు లండన్‌ వెళ్తుంగా ఈ విషాదం చోటుచేసుకుంది. ఈ విషాద ఘటన అనంతరం లండన్‌లో ఉన్న మొబ్బషేరా కుంగిపోయింది. ప్రమాదం తర్వాత ఒంటరిగా ఉండలేక స్వస్థలమైన మహారాష్ట్రలోని తారాపూర్‌కు తిరిగి వచ్చేసింది. విమాన ప్రమాదం జరిగిన సమయంలో ఆమె గర్భవతిగా ఉన్నారు. అనంతరం ఆమె ఓ మగ శిశువుకు జన్మనిచ్చారు. బిడ్డ పుట్టినందుకు సంతోషించాలో.. భర్త, కూతురిని కోల్పోయినందుకు బాధపడాలో తెలియని పరిస్థితి.