సికింద్రాబాద్‌ యశోదా ఆస్పత్రికి కేసీఆర్.. పెద్ది సుదర్శన్‌ రెడ్డి ఆరోగ్య పరిస్థితిపై ఆరా

సికింద్రాబాద్‌ యశోదా ఆస్పత్రికి మాజీ సీఎం కేసీఆర్‌ వచ్చారు. బీఆర్ఎస్ మాజీ ఎమ్మెల్యే పెద్ది సుదర్శన్‌ రెడ్డి కుటుంబ సభ్యులను ఆయన పరామర్శించారు. అనంతరం డాక్టర్లతో మాట్లాడి పెద్ది సుదర్శన్‌ రెడ్డి ఆరోగ్య పరిస్థితిని అడిగి తెలుసుకున్నారు. మెరుగైన వైద్యానికి ఏ మాత్రం అవకాశం ఉన్నా అందించాలని యశోదా ఆస్పత్రి వైద్యులకు కేసీఆర్‌ చెప్పారు. పెద్ది సుదర్శన్‌ రెడ్డికి గుండెపోటు రావడంతో ఆస్పత్రిలో చికిత్స పొందుతున్నారు.