ఏపీలో చంద్రబాబు ప్రభుత్వం ప్రజాస్వామ్యాన్ని ఘోరంగా ఖూనీ చేస్తోందని వైసీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి తీవ్ర ఆగ్రహం వ్యక్తం చేశారు. పులివెందులలో నిర్వహించిన మీడియా సమావేశంలో ఆయన మాట్లాడుతూ.. టీడీపీ నేతలు ఉదయం 4 గంటల నుంచే పోలింగ్ కేంద్రాలను ఆక్రమించి ఓటర్లను అడ్డుకుంటున్నారని మండిపడ్డారు. పులివెందులలోని 80 బూత్‌లకు గానూ 70 చోట్ల వైఎస్సార్‌సీపీ ఏజెంట్లను లోపలికి రానివ్వకుండా వెళ్లగొట్టారని, పోలీసుల సహకారంతో యథేచ్ఛగా దొంగ ఓట్లు వేసుకుంటున్నారని ధ్వజమెత్తారు. వైసీపీ అభ్యర్థి ప్రమీలమ్మపై దాడికి తెగబడ్డారని, ఓటర్ల స్లిప్పులను బలవంతంగా లాక్కుని ‘మీ ఓటు పడిపోయింది’ అని వెనక్కి పంపించేస్తున్నారని ఆరోపించారు.
