కర్నూలు జిల్లా కృష్ణగిరిలో టీడీపీ, వైసీపీ వర్గాల మధ్య ఘర్షణ

కర్నూలు జిల్లా కృష్ణగిరిలో ఉద్రిక్తత చోటు చేసుకుంది. స్థానిక సమరం వేళ టీడీపీ, వైసీపీ వర్గాల మధ్య ఘర్షణ వాతావరణం నెలకొంది. ఎంపీటీసీ, జడ్పీటీసీ ఎన్నికల్లో నామినేషన్‌ వేసే సమయంలో తీవ్ర కలకలం రేగింది. టీడీపీ, వైసీపీ నాయకులు ఒకరిపై ఒకరు రాళ్లు రువ్వుకున్నారు. ఈ ఘటనలో పార్టీ నాయకులతో పాటు.. పోలీసులకు గాయాలయ్యాయి. ప్రసాద్‌ అనే పోలీస్‌ కానిస్టేబుల్‌తో పాటు 20 మందికి తీవ్ర గాయాలయ్యాయి.