- బీజేపీతో ఇప్పటికే పొత్తులో ఉన్నామన్న పవన్కల్యాణ్
రాబోయే ఎన్నికల్లో పొత్తులపై జనసేనాని పవన్కల్యాణ్ ఆసక్తికర వ్యాఖ్యలు చేశారు. ఓట్లు చీలకూడదు.. అన్నదే తన అభిప్రాయమని పేర్కొన్నారు. బీజేపీతో ఇప్పటికే పొత్తులో ఉన్నామన్న పవన్.. ఆ పార్టీ కాదంటే, ఒంటరిగానే ఎన్నికలకు వెళ్తామని తెలిపారు. కొత్త పొత్తులు వస్తే, ఆ పార్టీలతోనూ కలిసి ముందుకు వెళ్తామన్న ఆయన.. ఎన్నికల ముందు పొత్తులపై మరింత స్పష్టత వస్తుందని చెప్పారు. అందరూ కలిసి రావాలని కోరుకుంటున్నానని స్పష్టం చేశారు పవన్కల్యాణ్.
ఆంధ్రప్రదేశ్లో వైఎస్ఆర్సీపీ ప్రభుత్వానికి 175 సీట్లు వస్తాయన్న నమ్మకం ఉంటే.. విపక్షలను ఈ విధంగా ఎందుకు ఇబ్బందుల పాలు చేస్తున్నారని పవన్ కల్యాణ్ ప్రశ్నించారు. జగన్ ప్రభుత్వానికి రోజురోజుకూ విశ్వాసం సన్నగిల్లుతోందని జనసేనాని విమర్శించారు. లోకేశ్ పర్యటన, తన పర్యటనను అడ్డుకుంటే.. వారిపై వారికి నమ్మకం లేనట్లేనని పవన్ చెప్పారు.
