కొండగట్టు అంజన్న క్షేత్రంలో భక్తుల రద్దీ

    జగిత్యాల జిల్లాలో కొలువైన ప్రసిద్ధ కొండగట్టు ఆంజనేయస్వామి క్షేత్రం రామనామ జపంతో మారు మోగుతోంది. దీక్షా విరమణ చేసేందుకు రాష్ర్ట నలుమూలల నుంచి తరలివచ్చిన మాలదారులతో ఆలయ పరిసరాలు కషాయమయంగా మారిపోయాయి. ఈ రోజు పెద్ద హనుమాన్‌ జయంతి నేపథ్యంలో మాలదారులు, భక్తులతో ఆలయ పరిసరాలు కిటకిటలాడుతున్నాయి. ఉత్సవాలు ప్రారంభం అయిన ప్పటి నుంచి భక్తులు దీక్ష విరమణ కోసం భారీగా తరలివస్తున్నారు. ఇప్పటికే ఆలయానికి చేరుకున్న వారు అంజన్నను దర్శించుకుని, దీక్షను విరమిస్తున్నారు.