ఫిల్మ్‌నగర్‌లో కారు బీభత్సం.. నటుడు ధర్మ ఇంట్లోకి దూసుకెళ్లిన కారు

ఫిల్మ్‌నగర్‌లో కారు బీభత్సం సృష్టించింది. అతివేగంతో వెళ్లిన కారు నటుడు ధర్మ ఇంట్లోకి దూసుకెళ్లింది. కారు నడిపిన యువకుడు మద్యం మత్తులో ఉన్నట్లు తెలుస్తోంది. ఈ ఘటనపై ధర్మ కుటుంబసభ్యులు పోలీసులకు ఫిర్యాదు చేశారు. ధర్మ కుటుంబీకుల ఫిర్యాదుతో పోలీసులు కారులో ప్రయాణిస్తున్న యువకులను అదుపులోకి తీసుకున్నారు. ఈ ఘటనకు పాల్పడిన యువకులను పోలీసులు విచారిస్తున్నారు.