శ్రీకాకుళం జిల్లాలో ఘోర రైలు ప్రమాదం.. నలుగురు మృతి

శ్రీకాకుళం జిల్లాలో ఘోర రైలు ప్రమాదం జరిగింది. రాజ్యరాణి ఎక్స్‌ప్రెస్‌ రైలు ఐదుగురిని ఢీకొంది. జిల్లా టెక్కలి మండలం రావివలస సమీపంలో ఈ ఘటన చోటుచేసుకుంది. ప్రమాదంలో నలుగురు అక్కడికక్కడే మృతి చెందగా.. మరో వ్యక్తికి తీవ్ర గాయాలయ్యాయి. మృతులు, గాయపడిన వ్యక్తి డమర ప్రాంతానికి చెందినవారిగా గుర్తించారు. ఘటనపై సమాచారం అందుకున్న పోలీసులు, రైల్వే అధికారులు సంఘటనా స్థలానికి చేరుకుని సహాయక చర్యలు చేపట్టారు.