సాయికృష్ణ కేసులో హైకోర్టులో విచారణపై సుప్రీంకోర్టు స్టే

విజయవాడలో సంచలనం సృష్టించిన రౌడీషీటర్‌ సాయికృష్ణ లాకప్‌డెత్‌ కేసుపై సుప్రీంకోర్టు సీరియస్‌ అయింది. సాయికృష్ణ మృతి కేసులో సుప్రీం కీలక ఆదేశాలు జారీ చేసింది. హైకోర్టులో విచారణపై సుప్రీంకోర్టు స్టే ఇచ్చింది. సెప్టెంబర్‌ 30లోగా కేసు వివరాలు ఇవ్వాలని ఆదేశించింది. సీల్డ్‌ కవర్‌లో కేసు వివరాలు సమర్పించాలని సూచించింది. ప్రతివాదులందరికీ నోటీసులు ఇచ్చిన సుప్రీంకోర్టు.. హైకోర్టులో దాఖలైన పిటిషన్లు అన్నీ సుప్రీంకోర్టుకు బదిలీ చేసింది. సాయికృష్ణ కేసులో తదుపరి విచారణ అక్టోబర్‌ 12కి వాయిదా వేసింది. కస్టడీలో సాయికృష్ణ మాయంకావడం చట్టవిరుద్ధమేనని ఈ సందర్భంగా సుప్రీంకోర్టు స్పష్టం చేసింది.