ఇంధన ధరలు మరో రూ.28 నుంచి రూ.33 వరకు పెరిగే అవకాశం

పెట్రోల్‌, డీజిల్‌ ధరలు మరోసారి పెరుగుతాయా? సామాన్యుడిపై మరోసారి బాదుడు తప్పదా? అంటే అవుననే సమాధానం వస్తోంది. గత 11 రోజుల్లో నాలుగోసారి ఇంధనం ధరలు పెరిగాయి. పశ్చిమాసియా యుద్ధం నేపథ్యంలో ఇంధనం ధరలు పెరిగినా ఆ నష్టాలను ఆయిల్ కంపెనీలు భరించాయి. దేశీయంగా 74 రోజుల పాటు ధరలను పెంచలేదు. దీంతో మొత్తం నష్టాలు 1.2 లక్షల కోట్లకు చేరాయి. నష్టాలను పూడ్చుకునేందుకు దశల వారీగా ఆయిల్ కంపెనీలు ధరలు పెంచుతున్నాయి. భవిష్యత్తులో ఇంధన ధరలు మరో రూ.28 నుంచి రూ.33 వరకు పెరిగే అవకాశం ఉందని విశ్లేషకులు అంచనా వేస్తున్నారు.