Free Porn
xbporn
23.7 C
Hyderabad
Friday, July 19, 2024
spot_img

విస్తరణకు ముహూర్తం ఎప్పుడు ?

జులై ఒకటినా లేదంటే రెండునా! తెలంగాణ కాంగ్రెస్ ఎమ్మెల్యేలు ఏ ఇద్దరు కలిసినా ఇప్పుడు ఇదే మాట్లాడుకుం టున్నారు. అవును సీఎం రేవంత్ రెడ్డి హస్తిన పర్యటనలో భాగంగా మంత్రివర్గ విస్తరణ, నూతన పీసీసీ నియామకం, నామినేటెడ్ పదవుల భర్తీ సహా పలు అంశాలపై అధిష్టానంతో వరుసగా చర్చలు జరపడంతో నేతల్లో ఉత్కంఠ అంతకంతకూ పెరిగిపోతోంది.

తెలంగాణ కాంగ్రెస్‌ ఎమ్మెల్యేల్లో టెన్షన్ అంతకంతకూ పెరిగిపోతోంది. ఢిల్లీలో మూడు రోజులుగా జరుగుతున్న పరిణామాలు, అధిష్టానం పెద్దలతో సీఎం రేవంత్ రెడ్డి చర్చలతో ఆశావహుల్లో ఒకటే ఉత్కంఠ నెలకొంది. ప్రధానంగా రాష్ట్రంలో మంత్రివర్గ విస్తరణ, నూతన పీసీపీ అధ్యక్షుడి నియామ కం, నామినేటెడ్ పోస్టుల భర్తీ సహా పలు కీలక అంశాలపై ఏఐసీసీ అధ్యక్షుడు మల్లికార్జున ఖర్గే, లోక్‌సభలో ప్రధాన ప్రతిపక్ష నేతగా ఉన్న రాహుల్‌గాంధీ, సీనియర్ నేత కేసీ వేణుగోపాల్‌తో చర్చలు జరిపారు ముఖ్యమంత్రి రేవంత్ రెడ్డి. ఈ భేటీలోనే మంత్రివర్గ విస్తరణపై గ్రీన్ సిగ్నల్ తీసుకున్నట్లు తెలుస్తోంది. సీఎం తయారు చేసిన జాబితాలోని పేర్లపై చాలా వరకు సానుకూలత వ్యక్తమైందని, కొన్ని పేర్ల విషయంలో మాత్రం మార్పులు చేర్పులు ఉండవచ్చని చెబుతున్నారు. అటు డిప్యూటీ సీఎం మల్లు భట్టివిక్ర మార్క, మంత్రి శ్రీధర్‌ బాబు సైతం హస్తినలో ఉండడంతో పలువురు ఆశావహులు పెద్ద ఎత్తున లాబీయింగ్ చేస్తున్నారు. తమకు ఒక్క ఛాన్స్ ఒకే ఒక్క ఛాన్స్ ఇవ్వాలని కోరుతున్నారు ఆశావహులు. పార్టీ కోసం తాము చేసిన పనులు, చేసిన త్యాగాలు గుర్తు చేస్తూ చివరి నిమిషంలోనైనా లిస్ట్‌లో చోటు దక్కించుకునే ప్రయత్నం చేస్తున్నారు.

గతేడాది తెలంగాణలో కాంగ్రెస్ పార్టీ అధికారంలోకి రావడంతో ముఖ్యమంత్రిగా రేవంత్‌రెడ్డి బాధ్యత లు చేపట్టారు. మరో పదకొండు మంది మంత్రులుగా ప్రమాణ స్వీకారం చేశారు. అయితే తెలంగాణలో ఉన్న మొత్తం 119 అసెంబ్లీ నియోజకవర్గాల ప్రకారం చూస్తే మొత్తం 18 మందిని మంత్రివర్గంలోకి తీసుకోవచ్చు. అంటే సీఎంతోపాటు 18 మంది మంత్రులు ఉండవచ్చు. ప్రస్తుతం 12 మంది ఉండడంతో మరో ఆరు ఖాళీలను భర్తీ చేయాల్సి ఉంటుంది. దీంతో విస్తరణలో ఎవరికి చోటు దక్కుతుందన్న దానిపై జోరుగా చర్చ జరుగుతోంది. అయితే ఇప్పటివరకు ప్రాతినిథ్యం లేని జిల్లాలు, సామాజిక సమీకరణలు, అసెంబ్లీ ఎన్నికల వేళ ఇచ్చిన హామీలు, లోక్‌సభ ఎన్నికలపై ఆయా నేతల ప్రభావం ఇలా పలు అంశాలను ప్రాతిపదికగా చేసుకొని ఆ ప్రకారం వీటిని భర్తీ చేయనున్నారు.

రాష్ట్రంలో దాదాపు పదేళ్ల తర్వాత తొలిసారిగా అధికారంలోకి రావడం, పెద్ద ఎత్తున ఆశావహులు ఉండడంతో పదవుల కోసం తీవ్రమైన పోటీ నెలకొంది. రాష్ట్రంలోని కాంగ్రెస్ సీనియర్లు, జూనియర్లు సైతం మంత్రి పదవులపై ఆశలు పెంచుకుంటున్నారు. ఈ క్రమంలనే కొందరి పేర్లపై జోరుగా ప్రచారం సాగుతోంది. అయితే.. ఎన్నికల ప్రచారం సందర్భంగా ముదిరాజ్‌లకు మంత్రి పదవి ఇస్తామని స్వయంగా సీఎం రేవంత్ రెడ్డి బహిరంగంగా ప్రకటించారు. దీంతో మక్తల్ ఎమ్మెల్యే వాకాటి శ్రీహరికి అమాత్య యోగం ఖాయమన్న మాట విన్పిస్తోంది. ఇక, ఎమ్మెల్సీ బల్మూరి వెంకట్ పేరుపైనా ప్రచారం సాగుతోంది. అసెంబ్లీ, పార్లమెంటు ఎన్నికల ప్రచారంలోనే కాదు. అంతకు ముందు కూడా పార్టీని బలంగా ప్రజల్లోకి తీసుకెళ్లారు బల్మూరి వెంకట్. యూత్‌లో మంచి క్రేజ్ ఉండడం బల్మూరికి కలిసి వచ్చే అంశంగా చెబుతున్నారు. పైగా అధిష్టానంతోపాటు సీఎం రేవంత్ రెడ్డి దగ్గరా ఈయనకు మంచి పేరే ఉంది. దీంతో.. బల్మూరి వెంకట్ పేరు బలంగా విన్పిస్తోంది. మున్నూరు కాపు, కురుమ సామాజిక వర్గాలకు మంత్రివర్గంలో స్థానం కల్పించాలని సీఎం యోచిస్తు న్నట్లు తెలుస్తోంది. దీంతో మున్నూరు కాపుల్లో బలమైన నాయకుడిగా ఉన్న ఆది శ్రీనివాస్ పేరు విన్పిస్తోంది. కురుమ సామాజిక వర్గం నుంచి బీర్ల ఐలయ్యకు పదవి ఖాయమన్న ప్రచారం సాగుతోంది. ఎస్టీ సామాజిక వర్గానికి ఒక పదవి ఖాయమని చెబుతున్నారు. ఆ కోటాలో చూస్తే దేవర కొండ ఎమ్మెల్యే భాను నాయక్‌ లేదంటే ఉమ్మడి ఖమ్మం, వరంగల్ జిల్లాల్లో ఉన్న ఒకరికి ఇవ్వొచ్చన్న ప్రచారం జరుగుతోంది. మరోవైపు ఉమ్మడి ఆదిలాబాద్, నిజామాబాద్ జిల్లాలకు మంత్రివర్గంలో ప్రాతినిథ్యం లేదు. దీంతో ఆదిలాబాద్ జిల్లా నుంచి వెడ్మ బొజ్జకు అమాత్య యోగం దక్కవచ్చని చెబుతున్నారు. ఉమ్మడి నిజామాబాద్ విషయానికి వస్తే మైనారిటీ కోటాలో షబ్బీర్ అలీ పేరుపై ప్రచారం సాగుతోంది. అదే సమయంలో సీనియర్ మంత్రులు బోధన్ ఎమ్మెల్యే సుదర్శన్ రెడ్డికి అవకాశం ఇవ్వాలని కోరుతున్నారు.

ఇక, ఆపరేషన్ ఆకర్ష్ కారణంగా ప్రతిపక్ష బీఆర్ఎస్ నుంచి కొందరు ఎమ్మెల్యేలు పార్టీలోకి వస్తుండడంతో వారిలో ఒకరికి ఛాన్స్ ఉండొచ్చన్న టాక్ విన్పిస్తోంది. ఇలా ఇప్పటికే ఐదుగురు ఎమ్మెల్యేలు అధికారికంగా కాంగ్రెస్ కండువా కప్పుకున్నారు. దీంతో వీరిలో ఎవరికి మంత్రి పదవి ఇవ్వాలి..ఇస్తే ఎలాంటి సమస్యలు తలెత్తే అవకాశం ఉంది. ఇలా పలు అంశాలను హైకమాండ్ దృష్టికి సీఎం రేవంత్ రెడ్డి తీసుకెళ్లినట్లు చెబుతున్నారు. అయితే సీనియర్‌ నేత బాన్స్‌వాడ ఎమ్మెల్యే పోచారం శ్రీనివాసరెడ్డికి మంత్రి పదవి కాకుండా రైతు కమిషన్ చైర్మన్ పదవి ఇవ్వొచ్చని అంటున్నారు. మరోవైపు.. తెలంగాణకు నూతన పీసీసీ అధ్యక్షుడు వస్తారన్న టాక్ విన్పిస్తోంది. ఇప్పటివరకు టీపీసీసీ చీఫ్‌గా రేవంత్ రెడ్డే కొనసాగుతున్నారు. అసెంబ్లీ ఎన్నికల్లో గెలిచి ఆయన సీఎంగా బాధ్యతలు చేపట్టినా పార్లమెంటు ఎన్నికలు వెంటనే రావడంతో కొత్త వారికి పార్టీ బాధ్యతలు అప్పగిస్తే గందరగోళం ఏర్పడుతుందన్న భావనతో ఇన్నాళ్లూ ఈ ప్రక్రియను వాయిదా వేసింది హైకమాండ్. ఇప్పుడు ఆ పదవిలో ఎవరిని నియమించాలన్న దానిపైనా సీఎం రేవంత్.. హస్తిన పెద్దల భేటీలో క్లారిటీ వచ్చినట్లే తెలుస్తోంది. అయితే ఈ పదవి కోసం పార్టీలో గట్టి పోటీ నెలకొంది. ప్రధానంగా సీనియర్ నేతలు మధు యాష్కీ గౌడ్, మంత్రి పొన్నం ప్రభాకర్, వర్కింగ్ ప్రెసిడెంట్ మహేష్ కుమార్ గౌడ్, సంపత్ కుమార్, జగ్గారెడ్డి సహా పలువురు నేతలు రేసులో ఉన్నారు. అటు మంత్రి పదవి కోసం కోమటిరెడ్డి రాజగోపాల్‌ రెడ్డి పట్టుపడుతున్నారు. అయితే ఇప్పటికే ఆయన సోదరుడు వెంకట్‌ రెడ్డి మంత్రివర్గంలో ఉండడంతో ఆయన పేరు పీసీసీ కోసం పరిశీలించినా ఆశ్చర్యం లేదంటున్నారు. మరోవైపు ఈసారి పీసీసీ పదవిని ఎస్టీలకు ఇవ్వాలని కోరుతున్నట్లు తెలుస్తోంది. మరి వీరిలోనే ఎవరికైనా బాధ్యతలు అప్పగిస్తారా లేదంటే కొత్త వారికి హైకమాండ్ ఛాన్సిస్తుందా అన్నది ఆసక్తి రేపుతోంది.

    మంత్రివర్గ విస్తరణ, నూతన పీసీసీ నియామకం మాత్రమే కాదు పార్టీ పదవులను భర్తీ చేసే అంశంపైనా ముఖ్యమంత్రి రేవంత్ రెడ్డి అధిష్టానం పెద్దలతో చర్చించినట్లు తెలుస్తోంది. ఇప్పటికే మొత్తం 54 కార్పొరేషన్లకు సంబంధించిన ఛైర్మన్ల లిస్టు సిద్ధమైనట్లు తెలుస్తోంది. నిజానికి లోక్‌సభ ఎన్నికలకు ముందే 37 కార్పొరేషన్లకు ఛైర్మన్లను నియమించారు సీఎం రేవంత్. కానీ, వీటి విష యంలో కొందరు అసంతృప్తి వ్యక్తం చేశారు. ఇందులో కొందరు తమ అసంతృప్తి విషయాన్ని సీఎం దృష్టికి సైతం తీసుకువెళ్లారు. దీంతో వీటిలో కొన్ని మార్పులు చేర్పులు చేసి మొత్తం 54 కార్పొరే షన్లకు ఎవరిని నియమించాలన్న జాబితా తయారు చేసి వాటికి హైకమాండ్ ఆమోదం తీసుకు న్నట్లు ప్రచారం సాగుతోంది. ప్రధానంగా ఎమ్మెల్యే సీట్లు దక్కని వారికి, మంత్రివర్గంలో చోటు కల్పించలేకపోయిన నేతలకు ఇందులో ప్రాధాన్యం ఇవ్వనుంది హైకమాండ్. మొత్తంగా చూస్తే జులై మొదటి వారంలో ఆయా పదవుల భర్తీ ఉండవచ్చని చెబుతున్నారు కాంగ్రెస్ నేతలు.

Latest Articles

రిలీజ్ డేట్ మార్చుకున్న ‘ఆపరేషన్ రావణ్’

రక్షిత్ అట్లూరి హీరోగా రాధికా శరత్ కుమార్ ముఖ్య పాత్రలో నటిస్తున్న కొత్త సినిమా “ఆపరేషన్ రావణ్”. ఈ చిత్రాన్ని ధ్యాన్ అట్లూరి నిర్మాణంలో న్యూ ఏజ్ సస్పెన్స్ థ్రిల్లర్ గా దర్శకుడు...
- Advertisement -

LEAVE A REPLY

Please enter your comment!
Please enter your name here

Stay Connected

2,000FansLike
1,000FollowersFollow
291FollowersFollow
150,000SubscribersSubscribe
- Advertisement -

Latest Articles

ఆంధ్ర ప్రదేశ్

తెలంగాణ

జాతీయం

అంతర్జాతీయం

ఎంటర్టైన్మెంట్