Free Porn
xbporn
23.7 C
Hyderabad
Saturday, July 20, 2024
spot_img

అయ్యన్న కోర్టులో వైసీపీ బాల్‌

ఏపీ అసెంబ్లీలో వైసీపీకి ప్రతిపక్ష హోదా దక్కుతుందా ? లేదా ? వై.ఎస్ జగన్‌ను ప్రతిపక్ష నేతగా గుర్తిస్తారా ? లేదా? ఇదే అంశంపై వైసీపీ అధినేత స్పీకర్‌కు లేఖ రాయడం అందుకు బదులుగా శాసనసభా వ్యవహా రాల మంత్రి పయ్యావుల కేశవ్ సమాధానం ఇవ్వడంతో ఇప్పుడు దీనిపైనే పెద్ద ఎత్తున చర్చ జరుగు తోంది. అసలు ఈ విషయంలో రాజ్యాంగం ఏం చెబుతోంది ? ఆంధ్రప్రదేశ్ శాసనసభ స్పీకర్ చింతకా యల అయ్యన్నపాత్రుడు ఎలాంటి నిర్ణయం తీసుకుంటారు అన్నది అత్యంత ఆసక్తికరంగా మారింది.

ఆంధ్రప్రదేశ్‌ అసెంబ్లీ ఫలితాలు వెలువడిన తర్వాత అందరిలోనూ మొదటగా విన్పించిన ప్రశ్న.. రాష్ట్రంలో ప్రతిపక్ష హోదా సంగతి ఏంటని. అవును 2024 అసెంబ్లీ ఎన్నికల్లో వైసీపీ పరాజయం పాలైంది. కేవలం 11 స్థానాలకే పరిమితం కావడం ప్రాధాన్యం సంతరించుకుంది. అదే సమయంలో టీడీపీ, జనసేన, బీజేపీ కూటమికి 164 సీట్లు వచ్చాయి. దీంతో అప్పటి నుంచి ఈ ప్రతిపక్ష హోదా అంశంపై రాజకీయ వర్గాల్లో చర్చ కొనసాగుతూనే ఉంది.ఇలాంటి పరిస్థితు ల్లోనే ఎమ్మెల్యేగా ప్రమాణ స్వీకారం చేశారు మాజీ సీఎం, వైసీపీ అధినేత వై.ఎస్ జగన్. అనంతరం సభాపతికి పలు అంశాలపై ఆయన రాసిన లేఖ ప్రాధాన్యం సంతరించుకుంది. మంత్రుల తర్వాత తనతో ప్రమాణం చేయించడం సభా సంప్రదాయాలకు విరుద్దమని లేఖలో పేర్కొన్నారు వైసీపీ అధినేత జగన్. ప్రధాన ప్రతిపక్ష నాయకుడి గుర్తింపు ఇవ్వ కూడదని ముందుగానే నిర్ణయించినట్లు ఉన్నారని లేఖలో ఆరోపించారు. అసలు ప్రధాన ప్రతిపక్ష నేత హోదా ఇవ్వాలం టే పదిశాతం సీట్లు ఉండాలని చట్టంలో ఎక్కడా లేదని తన లేఖలో ప్రస్తావించారు జగన్. ప్రతిపక్ష పార్టీ గుర్తింపుతోనే ప్రజా సమస్యలను అసెంబ్లీలో వినిపించేందుకు అవకాశం ఉంటుందని.. తగినంత సమయం లభిస్తుందంటూ మరిన్ని అంశాలను జోడిస్తూ జగన్ లేఖ రాయడం రాష్ట్ర రాజకీయాల్లో సంచలనం సృష్టించింది.

జగన్ లేఖపై స్పీకర్ చింతకాయల అయ్యన్నపాత్రుడు ఇంకా స్పందించకపోయినా.. శాసనసభ వ్యవహారాల మంత్రి పయ్యావుల కేశవ్ మాత్రం సమాధానం ఇచ్చారు. జగన్‌ కేవలం వైసీపీ ఫ్లోర్ లీడరేనని, ఆయనకు ప్రతిపక్ష హోదా దక్కే అవకాశమే లేదని చెప్పుకొచ్చారు. పదిశాతం సీట్లు సాధించలే కపోవడమే అందుకు కారణమన్నారు మంత్రి. అంతేకాదు. 2019లో టీడీపీ 23 సీట్లు మాత్రమే దక్కించుకున్న సమయంలో నాడు సీఎం హోదాలో జగన్ చేసిన వ్యాఖ్యల్ని మంత్రి పయ్యావుల ఈ సందర్భంగా ప్రస్తావించడం ప్రాధాన్యం సంతరించుకుంది. వైసీపీ అధినేత జగన్ లేఖ, అందుకు ప్రతిగా శాసనసభ వ్యవహారాల మంత్రి పయ్యావుల సమాధానం విన్న తర్వాత అందరిలోనూ ఒకటే సందేహం. అసెంబ్లీ లో ప్రతిపక్ష హోదా అంశానికి సంబంధించి రాజ్యాంగం ఏం చెబుతోంది ? అన్నది ఆసక్తికరంగా మారింది. అయితే రాజ్యాంగ నిపుణులు, రాజకీయ విశ్లేషకులు, మేధావులు చెబుతున్న ప్రకారం.. రాజ్యాంగంలో ఎక్కడా కూడా దీనికి సంబంధించిన ప్రస్తావనే లేదు. అదే సమయంలో సభలో ఉన్న విపక్షాల్లో ఏ పార్టీకి ఎక్కువ సీట్లు ఉంటే ఆ పార్టీని ప్రధాన ప్రతిపక్షంగా గుర్తించాలని.. ఆ పార్టీకి చెందిన నేతను ప్రధాన ప్రతిపక్ష నేతగా గుర్తించాలని శాలరీ అండ్ అలవె న్సెస్‌ ఆఫ్ లీడర్స్ ఆఫ్ అపోజిషన్ ఇన్ పార్లమెంట్ యాక్ట్ 1977లో సెక్షన్ 1 స్పష్టంగా చెబుతోంది. ఆంధ్రప్రదేశ్ పేమెంట్‌ ఆఫ్ శాలరీస్ అండ్‌ పెన్షన్స్‌, డిస్‌క్వాలిఫికేషన్ యాక్ట్ 1953లోని సెక్షన్ 12బీ కూడా ఇదే అంశాన్ని స్పష్టం చేస్తోంది.

గతంలో ఇలా ఆయా అసెంబ్లీలు, పార్లమెంటులో జరిగిన సందర్భాల్ని నిపుణులు గుర్తు చేస్తున్నారు. ఎక్కడిదాకో ఎందుకు దేశ రాజధాని హస్తిన అసెంబ్లీకి 2015లో జరిగిన ఎన్నికల్లో ఆమ్‌ ఆద్మీ పార్టీ మొత్తం 70 స్థానాలకు గాను 67 స్థానాలు సాధించగా కమలం పార్టీ కేవలం 3 సీట్లకే పరిమితమైంది. అయినా ప్రస్తుతం టీడీపీ ప్రభుత్వం చెబుతు న్నట్లుగా పది శాతం సీట్లు నాడు బీజేపీకి రాకపోయినా అప్పటి ఢిల్లీ అసెంబ్లీ స్పీకర్ బీజేపీకి ప్రతిపక్షహోదా కల్పించారు. ఆ ప్రకారం చూస్తే తగినంత సంఖ్యా బలం లేకపో యినా ప్రతిపక్ష హోదా ఇవ్వాలా వద్దా అన్నది స్పీకర్‌ నిర్ణయంపై ఆధారపడి ఉంటుందని తెలుస్తోంది. సభాపతి ఎలాంటి నిర్ణయం తీసుకుంటే అది ఫైనలని ఈ నేపథ్యంలో అంతా చెబుతున్నారు.

వాస్తవానికి మొన్నటి ఏపీ అసెంబ్లీ ఎన్నికల్లో టీడీపీ, జనసేన, బీజేపీ కూటమిగా ఏర్పడి పోటీ చేశాయి. మొత్తం 175 స్థానాలున్న ఆంధ్రప్రదేశ్‌ అసెంబ్లీలో.. టీడీపీ ఒంటరిగా 135 సీట్లు సాధించింది. జనసేన 21 స్థానాల్లో, బీజేపీ 8 చోట్ల విజయం సాధించాయి. ఇక, ఒంటరిగా పోటీలో దిగిన వైసీపీ 11 స్థానాల్లో మాత్రమే విజయం సాధించింది. కూటమిగా లేకుంటే ప్రధాన ప్రతిపక్ష స్థానం జనసేనకు దక్కి ఉండేది. కానీ, 21 సీట్లు వచ్చినా, టీడీపీతో కలిసి పోటీ చేయడం, అధికారంలో ఉండడంతో ఆ అవకాశం లేదు. దీంతో శాసనసభలో ఒంటరిగా మిగిలిన పార్టీ ఒక్క వైసీపీయే. దీంతో ఆ పార్టీకి 11 స్థానాలు మాత్రమే దక్కినా తమకే ప్రతిపక్ష హోదా అవకాశం కల్పించాలని కోరుతోంది. ఈ మేరకు నిబంధనలను ప్రస్తావిస్తూ వైసీపీ అధినేత జగన్ స్పీకర్‌కు లేఖ రాశారు. వైసీపీకి ప్రతిపక్ష హోదా అంశంపై ఎవరు ఎలా మాట్లాడి నా అసలు నిర్ణయం ప్రకటించాల్సింది సభాపతి అయ్యన్నపాత్రుడు. మరి స్పీకర్ నిర్ణయం ఎలా ఉండబోతోంది..? వైసీపీకి ప్రతిపక్ష హోదా కల్పిస్తారా లేదంటే కొట్టి పారేస్తారా? అసలు డెసిషన్ ఎలా ఉంటుందన్నది ఉత్కంఠ రేపుతోంది.

Latest Articles

హీరోయిజం గురించి ఎన్టీయార్ బామ్మర్ది భలే చెప్పాడు: అల్లు అరవింద్

ఎన్నో సక్సెస్‌ఫుల్ చిత్రాలను అందించిన ప్రతిష్టాత్మక సంస్థ GA2 పిక్చర్స్ బ్యానర్‌పై రూపొందిన చిత్రం ‘ఆయ్’. ఎనర్జిటిక్ హీరో నార్నే నితిన్, నయన్ సారిక జంటగా నటించారు. అంజి కె.మ‌ణిపుత్ర‌ ఈ చిత్రంతో...
- Advertisement -

LEAVE A REPLY

Please enter your comment!
Please enter your name here

Stay Connected

2,000FansLike
1,000FollowersFollow
291FollowersFollow
150,000SubscribersSubscribe
- Advertisement -

Latest Articles

ఆంధ్ర ప్రదేశ్

తెలంగాణ

జాతీయం

అంతర్జాతీయం

ఎంటర్టైన్మెంట్