జాకీ ష్రాఫ్, ప్రియమణి, సన్నీలియోన్, సారా అర్జున్ ప్రధాన పాత్రల్లో నటించిన మూవీ ‘క్యూజీ గ్యాంగ్ వార్’. ఎన్టీఆర్ శ్రీను సమర్పణలో వస్తున్న ఈ మూవీకి సంబంధించి తెలుగు వరల్డ్ వైడ్ రిలీజ్ హక్కులను రుషికేశ్వర్ ఫిల్మ్స్ బ్యానర్ కింద నిర్మాణ వేణుగోపాల్ సొంతం చేసుకున్నారు. ఈ సందర్భంగా ఈ సినిమాకు సంబంధించిన ట్రైలర్ లాంచ్ ఈవెంట్ నేడు ఘనంగా జరిగింది. ఈ ఈవెంట్లో ముఖ్య అతిథులుగా టి. ప్రసన్నకుమార్, దామోదర్ ప్రసాద్ , శ్రీను, శివనాగు, నిర్మాత వేణుగోపాల్, ఎన్టీఆర్ శ్రీను పాల్గొన్నారు. ప్రసన్న కుమార్, దామోదర్ ప్రసాద్ చేతుల మీదుగా బిగ్ టికెట్ లాంచ్ చేశారు. ఈనెల 30న ఈ సినిమాని ఐదు భాషల్లో విడుదల చేయడానికి సిద్ధమయ్యారు.
ఈ సందర్భంగా నిర్మాత వేణుగోపాల్ మాట్లాడుతూ : అడగగానే ఈవెంట్ కి వచ్చే మమ్మల్ని సపోర్ట్ చేశారా ప్రసన్న కుమార్ గారికి, దామోదర్ ప్రసాద్ గారికి, శివనాగు గారికి ప్రత్యేక కృతజ్ఞతలు. ఇది ఒక మంచి మాస్ మసాలా కమర్షియల్ ఎంటర్టైనర్ సినిమా. ప్రేక్షకులందరికీ కచ్చితంగా ఏ సినిమా నచ్చుతుంది అని ఆశిస్తున్నాను అన్నారు.
ఎన్టీఆర్ ప్రెజెంట్స్ ఎన్టీఆర్ శ్రీను మాట్లాడుతూ : నాకు గురువు దైవం లాంటి వ్యక్తి ప్రసన్నకుమార్ గారు. ఆయన దగ్గర నుంచి ఎన్నో విషయాలు నేర్చుకున్నాను. అలాంటి వ్యక్తి ఈ రోజున మా సినిమాను సపోర్ట్ చేయడానికి రావడం చాలా ఆనందంగా ఉంది. ప్రసన్నకుమార్ గారికి, దామోదర్ ప్రసాద్ గారికి, శివనాగు గారికి కృతజ్ఞతలు తెలియజేసుకుంటున్నాను. వివేక్ కుమార్ కన్నన్ గారు బాలా గారి దగ్గర 15 సంవత్సరాలు దర్శకత్వం శాఖలో పనిచేశారు. ఈ సినిమా ఫారెన్ లో అద్భుతమైన లొకేషన్స్ లో షూట్ చేశారు. కచ్చితంగా ఈ సినిమా ప్రేక్షకులకు నచ్చుతుందని పెద్ద విజయం సాధిస్తుందని ఆశిస్తున్నాను అన్నారు.
టి. ప్రసన్న కుమార్ మాట్లాడుతూ : కాస్టింగ్ నుంచి జాకీ షరాఫ్, సన్నీలియోన్, ప్రియమణి లాంటి పెద్ద స్టార్స్ ని పెట్టుకుని ఈ రోజున కమర్షియల్ సినిమాకి ఏం కావాలో అలాంటి ఎలిమెంట్స్ తో ఈ సినిమాని నిర్మించారు. అదేవిధంగా ఎన్నో సినిమాలు ని డిస్ట్రిబ్యూట్ చేసిన ఎన్టీఆర్ శ్రీను గారు, వేణుగోపాల్ గారితో కలిసి ఈ సినిమాకి సపోర్ట్ గా నిలబడడం సినిమాకే ప్లస్ అవుతుంది. అదేవిధంగా డ్రమ్స్ శివమణి మ్యూజిక్ అద్భుతంగా ఉండబోతుంది. శివపుత్రుడు లాంటి సినిమా దర్శకత్వం వహించిన బాలా గారి దగ్గర అసిస్టెంట్ గా చేసిన వివేక్ కుమార్ కన్నన్ దర్శకత్వంలో ఈ సినిమా రాబోతుంది. వేణుగోపాల్ గారికి ఎన్టీఆర్ శ్రీను గారికి ఇది సరైన సినిమా అవుతుంది. ప్రేక్షకులందరికీ ఏ సినిమా నచ్చుతుంది అని ఆశిస్తున్నాను అన్నారు.
దామోదర్ ప్రసాద్ మాట్లాడుతూ : క్యూ జి ట్రైలర్ పెద్ద షాక్ ఇచ్చింది. ట్రైలర్ చాలా బాగుంది. మంచి క్యాస్టింగ్ ని ఎంచుకున్నారు. ఈ రోజుల్లో ప్రజలకు కావాల్సిన కమర్షియల్ ఫార్మాట్ ఈ సినిమాలో ఉంది. విజువల్స్ చాలా బాగున్నాయి. నిర్మాత వేణుగోపాల్ గారికి ఈ సినిమా పెద్ద విజయం సాధించి బాగా డబ్బులు తెచ్చి పెట్టాలని మనస్పూర్తిగా కోరుకుంటున్నాను అన్నారు.
నటీనటులు:
జాకీ ష్రాఫ్, ప్రియమణి, సన్నీలియోన్, సారా అర్జున్
సాంకేతిక నిపుణులు:
నిర్మాతలు: ఎం. వేణుగోపాల్, వివేక్ కుమార్ కన్నన్, గాయత్రి సురేష్
డైరెక్టర్ ఆఫ్ ఫోటోగ్రఫీ: అరుణ్ పద్మనాభన్
డైరెక్టర్: వివేక్ కుమార్ కన్నన్
సంగీతం: డ్రమ్స్ శివమణి
ఎడిటర్: కె.జె. వెంకట రమణన్
డిజిటల్ మీడియా: డిజిటల్ దుకాణం
పీఆర్ఓ: మధు VR