బాల్క సుమన్‌ రిమాండ్‌ రిపోర్ట్‌లో కీలక విషయాలు

మాజీ ఎమ్మెల్యే బాల్క సుమన్ రిమాండ్ రిపోర్ట్‌లో కీలక విషయాలు వెలుగులోకి వచ్చాయి. సింగరేణి సంస్థ ఆస్తులను ధ్వంసం చేయాలని.. ఆఫీసులకు నిప్పుపెట్టాలని మాట్లాడిన బాల్క సుమన్‌.. సింగరేణి కార్యాలయాలపై దాడులకు పిలుపునిచ్చారని ఫిర్యాదులో జూనియర్‌ ఇన్‌స్పెక్టర్‌ ఆనంద్ పేర్కొన్నారు. వీడియో ఆధారాలను పోలీసులకు అందజేశారు ఆనంద్‌. సింగరేణి ఉద్యోగుల భద్రతకు ముప్పు ఉందని ఫిర్యాదు చేశారు. వీడియోలను కేసులో కీలక ఆధారాలుగా చూపించారు. బాల్క సుమన్‌ కూడా అంగీకరించారని పోలీసులు తెలిపారు. సుమన్‌పై గతంలోనూ కేసులు ఉన్నాయన్నారు.