హైదరాబాద్ పోలీసుల కొత్త ఏఐ యాప్

హైదరాబాద్ సిటీ పోలీస్ ఆధ్వర్యంలో దేశంలోనే తొలి ఏఐ ఆధారిత మల్టీలింగ్వల్ కంప్లైంట్ రికార్డర్ “ఏఐ కాప్‌రైట‌ర్”ను బంజారాహిల్స్‌లో సజ్జనార్‌ ఆవిష్కరించారు. తెలుగు, హిందీ, తమిళం, బెంగాలీ, మరాఠీ సహా 10కి పైగా భాషలను గుర్తించే సామర్థ్యం ఈ యాప్‌కు ఉంది. బాధితులు తమ మాతృభాషలో చెప్పిన ఫిర్యాదును వెంటనే టెక్స్ట్‌గా మార్చి అనువదిస్తుంది. హైదరాబాద్‌లోని 80కి పైగా పోలీస్ స్టేషన్లలో ఈ యాప్‌ అందుబాటులోకి రానుంది. ఈ యాప్‌ ద్వారా ఫిర్యాదు నమోదు ప్రక్రియను వేగవంతం చేసి, తప్పుల అవకాశాలను తగ్గించనుంది. ఫిర్యాదు వివరాలు, సమయం, అధికారుల సమాచారం పీడీఎఫ్ రూపంలో భద్రపరచబడుతుంది. ఈ యాప్‌ను బ్లూక్లౌడ్ సాఫ్టెక్ సొల్యూషన్స్ సంస్థ సహకారంతో రూపొందించారు.