హైదరాబాద్‌కు భారీ వర్ష సూచన.. పోలీసుల కీలక సూచనలు

హైదరాబాద్‌కు మరోసారి భారీ వర్ష సూచన చేసింది వాతావరణ కేంద్రం. మరో రెండు గంటల్లో వర్షం కురవబోతుంది. ఇప్పటికే వాతావరణం మారింది. ట్రాఫిక్‌ జామ్‌ సమస్యలు తలెత్తకుండా సిటీ పోలీసులు కీలక సూచనలు చేశారు. విద్యాసంస్థలు, ఐటీ కంపెనీలు విధులు ముందుగానే ముగించాలని సూచించారు. భారీ వర్షంతో ట్రాఫిక్‌ జామ్‌ అయ్యే అవకాశం ఉందని హెచ్చరించారు. అత్యవసర సేవలకు సహకరించాలని పోలీసులు విజ్ఞప్తి చేశారు.