పోలింగ్ రోజు మాచర్లలో 7 ఘటనలు జరిగాయి-సీఈవో

పోలింగ్ రోజు మాచర్లలో 7 ఘటనలు జరిగాయని ఏపీ సీఈవో ఎంకే మీనా తెలిపారు. పోలింగ్ కేంద్రంలో ఈవీఎంలు ధ్వసం చేశారని, వెబ్‌కాస్టింగ్‌లో ఈ ఘటనలు పరిశీలించామన్నారు. అలాగే ఈవీఎం ధ్వంస మైనా డేటా మొత్తం సేఫ్‌గానే ఉందని అన్నారు. ఈవీఎంల ధ్వంసం తర్వాత దర్యాప్తు ప్రారంభిం చామని, సిట్‌ పోలీసుల నుంచి వివరాలన్నీ సేకరించామని తెలిపారు. ఈ కేసులో పిన్నెల్లి రామకృష్ణారెడ్డి ఏ1గా ఉన్నారని, ఆయనపై 10 సెక్షన్ల కింద మెమో ఫైల్ చేశామని తెలిపారు. పిన్నెల్లిని వెంటనే అరెస్ట్ చేయాలని ఈసీ ఆదేశాలు ఇచ్చిందని, నిన్నటి నుంచి అరెస్ట్ చేసేందుకు ప్రయత్నిస్తున్నామని తెలిపారు. ఈ కేసులో ఎవరిని వదిలిపెట్టే ప్రసక్తే లేదని తేల్చి చెప్పారు సీఈవో ఎంకే మీనా.