Minister Gangula Kamalakar | కరీంనగర్ మంత్రి గంగుల కమలాకర్ కు గాయాలయ్యాయి. జిల్లా చెర్ల బూత్కూర్ లో బీఆర్ఎస్ ఆత్మీయ సమ్మేళనంలో నిర్వహించారు. ఈ కార్యక్రమానికి మంత్రి గంగుల ముఖ్య అతిధిగా హాజరయ్యారు. సభావేదికపై అందరూ ఉండగా.. స్టేజ్ ఒక్కసారిగా కుప్పకూలింది. దీంతో గంగులతోపాటు ఇతర నేతలు అంతారు ఒక్కసారిగా కిందపడ్డారు. మంత్రి కింద పడటంతో పలు గాయాలు కాగా.. స్టేజిపై ఉన్న ఓ జెడ్పిటీసీ సభ్యుడి కాలు విరిగింది.
వెంటనే గంగుల కమలాకర్ను కూడా ఆసుపత్రికి తరలించారు. అనంతరం డాక్టర్లు ఆరోగ్య పరిస్థితిని సమీక్షించి ఆయన కాలుకు కట్టుకట్టారు. ఈ ప్రమాదంపై మంత్రి స్పందిస్తూ…తనకు చిన్న గాయమే అయిందని అన్నారు. డాక్టర్లు ఫస్ట్ ఎయిడ్ చేసి బ్యాండేజీ వేశారని తెలిపారు. అయితే కాస్త విశ్రాంతి తీసుకుంటే సరిపోతుందని డాక్టర్లు చెప్పారని అన్నారు. పరిమితికి సభా వేదికపై నేతలు ఎక్కటంతోనే ప్రమాదం జరిగిందని భావిస్తున్నారు. ఏదేమైనా గంగులకు ఏం కాకపోవడంతో బీఆర్ ఎస్ నేతలు, కార్యకర్తలు అంతా ఊపిరి పీల్చుకున్నారు.
