34.2 C
Hyderabad
Monday, May 27, 2024
spot_img

ఆంధ్రాలో ఇంకా ఆరని రాజకీయ మంటలు

   పోలింగ్ వేళ అల్లర్లతో ఆంధ్రా అట్టుడుకిపోయింది. రాజకీయ కక్షలు ఒక్కసారిగా భగ్గుమన్నాయి. రెండ్రోజులపాటు దాడులు, ఘర్షణలతో హైటెన్షన్‌ వాతావరణం చోటు చేసుకుంది. అయితే,ఈ పరిణా మాలపై స్పందించిన ఈసీ మీరుండి లాభమేంటని ఉన్నతాధికారులపై సీరియస్‌ కాగా, అదే ఎన్నికల సంఘం, పోలీసుల తీరుపై అటు అధికార పక్షం, ఇటు విపక్ష కూటమి విమర్శలు గుప్పిస్తోంది. ఒకరిపై ఒకరు దుమ్మెత్తిపోసుకుంటున్నారు. ఖాకీలు సహా ఎన్నికల సంఘం పార్టీలకు కొమ్ము కాసాయంటూ ఎవరికి వారు ఆరోపిస్తున్నారు. మరి ఈసీ ఒకే పార్టీకి వత్తాసు పలికిందా..? పోలీసులు పార్టీ నేతల కను సన్నల్లో ఉన్నారా..? రాష్ట్రంలో హైటెన్షన్‌ వాతావరణానికి వారి నిర్లక్ష్యమే కారణమా అన్నది ప్రస్తుతం ఏపీ పాలిటిక్స్‌లో హీట్‌ పుట్టిస్తున్న అంశం. మరి ఎవరి మాటల్లో ఎంత నిజం ఉంది..?

   ఏపీలో పోలింగ్ వేళ రాష్ట్రం రణరంగంగా మారింది. పోలింగ్‌ ముగిసినా ఉద్రిక్తలు మాత్రం చల్లారలేదు. ఘర్షణలు, దాడులతో ఏపీ వ్యాప్తంగా హైటెన్షన్ వాతావరణం చోటు చేసుకుంది. టీడీపీ వర్సెస్‌ వైసీపీ వ్యవహారంతో ఒక్కసారిగా రాజకీయ కక్షలు భగ్గుమన్నాయి. ఇరు వర్గాలు దాడులకు తెగబడ్డారు. ఈ ఘటనలపై ఎన్నికల సంఘం సీరియస్‌ అయింది. ముఖ్యంగా ప్రభుత్వ ప్రధాన కార్యదర్శి జవహర్‌రెడ్డి, రాష్ట్ర డీజీపీ హరీష్‌కుమార్ గుప్తాలపై మండిపడ్డ ఈసీ వారిద్దరికీ సమన్లు జారీ చేసింది. ఏపీలో పోలింగ్ తర్వాత చోటుచేసుకున్న హింసాత్మక ఘటనలపై వివరణ కోరింది. వ్యక్తిగతంగా ఎన్నిక‌ల సంఘం ముందు హాజ‌రై వివరణ ఇవ్వాలని ఆదేశించింది. పల్నాడు, చంద్రగిరి, తిరుపతి, తాడిపత్రి, నంద్యాల జిల్లాలో జరిగిన హింసను ఎందుకు కంట్రోల్‌ చేయలేకపోయారంటూ చురకులంటించింది. పోలింగ్‌ జరిగి రెండు రోజులు కావస్తున్నా రాష్ట్రంలో జరుగుతున్న హింసాత్మక ఘటనలు, అల్లర్లు అదుపులోకి తీసుకురాకపోవడంపై ఫైర్‌ అయింది. ఈసీ ఆదేశాల మేరకు ఢిల్లీ వెళ్లనున్నారు ఏపీ సీఎస్‌, డీజీపీ. అయితే,.. ఈ పరిణామాలు ఏపీ పాలిటిక్స్‌లో హాట్ టాపిక్‌గా మారాయి.

    ఇక ఏపీలో ఘర్షణలపై వైసీపీ, టీడీపీల మధ్య డైలాగ్‌ వార్‌ ముదురుతోంది. పోలీసులపై ఇరు పార్టీ నేతలు విమర్శలు గుప్పిస్తున్నారు. అధికార పార్టీ మాట వింటున్నారని తెలుగు తమ్ముళ్లు ఆరోపిస్తోంటే,.. అవే విమర్శలు వైసీపీ కూడా చేస్తూ కౌంటర్‌ ఇస్తోంది.ఇక ఇదే విషయంపై డీజీపీ హరీశ్‌ కుమార్‌ గుప్తాను కలిసి ఫిర్యాదు చేశారు అధికార పార్టీ నాయకులు. పోలీసులు ఎన్నికల నిర్వహణలో విఫలం అయ్యారని వైసీపీనేత అంబటి రాంబాబు ఆరోపించారు. ప్రజాస్వామ్యంలో ఇలాంటి దుస్థితి రావడం దారుణమని, టీడిపి, జనసేన, బీజేపీ ఇచ్చిన ఫిర్యాదు వల్లే ఈసీ అధికారు లను మార్చారన్న అంబటి.. అధికారులను మార్చాక హింస జరగడమేంటని ప్రశ్నించారు. అధికారులను బదిలీ చేయడం వల్ల నష్టం జరిగింద న్నారు. అలాగే టీడీపీ ఉద్దేశపూర్వకంగా దాడులకు దిగిందని మాజీ మంత్రి పేర్ని నాని కూడా ఆరోపిం చారు. పోలీసులు పూర్తీగా ఎన్నికల విధుల్లో విఫలమయ్యారని, పోలీసులు చేస్తున్న తప్పుడు చర్యలపై వైసీపీ నేతలు తిరుగుబాటు చేశారని అన్నారు. పల్నాడు జిల్లాలో టీడీపీ విధ్వంసం చేసిందని, అయినా జిల్లా ఎస్పీ స్పందించలేదని మండిపడ్డారు.రిటైర్డ్ అయినా దీపక్ మిశ్రా అనే అధికారిని తీసుకొచ్చి పోలీసు అబ్జర్వర్‌గా వేశారని ఆరోపించారు. పోలీసులు ప్రేక్షక పాత్ర పోషించారని విమర్శలు గుప్పించారు.

   మరోపక్క ఓటమి భయంతో వైసీపీ నేతలు అరాచకాలకు పాల్పడుతున్నారని ఆరోపించారు టీడీపీ నేతలు వర్ల రామయ్య, దేవినేని ఉమా, నక్కా ఆనంద్‌బాబు. పోలీసులు ఇంకా జగన్ కనుసన్నల్లో నడుస్తున్నారని, రౌడీలు, గూండాలను జగన్‌ రెడ్డి పెంచి పోషిస్తున్నారని ఫైర్‌ అయ్యారు. పోలింగ్ తర్వాత కూడా దాడులు చేస్తున్నారంటే ఏమనాలని వారు నిలదీశారు. తమ పార్టీ కార్యకర్తలు, నాయకులే లక్ష్యంగా దాడులు చేశారని చంద్రగిరిలో పులివర్తి నానిపై హత్యాయత్నం చేశారని, హింసా రాజకీయాలకు పాల్పడిన వైసీపీకి ప్రజలే బుద్ధి చెప్తారని ధ్వజమెత్తారు. ఇకపోతే పోలింగ్‌ జరుగుతుండగానే ఏపీలో రాజకీయ కక్షలు భగ్గుమన్నాయి. రెండ్రోజులైనా ఎవరికి ఎవరు తగ్గేదేలే అంటూ టీడీపీ, వైసీపీ వర్గాలు ఘర్షణలు, దాడులకు పాల్పడ్డారు. దీంతో తాడిపత్రి, తిరుపతి, కారంపూడి ప్రాంతాలు రణరం గంగా మారాయి. ఈ ఘటనలపైనే ఈసీ వివరణ కోరుతూ ఏపీ సీఎస్‌, డీజీపీలకు సమన్లు జారీ చేసింది. ఈసీ ఎవరిపై ఎలాంటి చర్యలకు పూనుకుంటుంది అన్నది ప్రస్తుతం ఆసక్తికర అంశంగా మారింది.

Latest Articles

ఆ ప్రశ్నకు ‘ల‌వ్‌, మౌళి’లో సమాధానం దొరుకుతుంది: నవదీప్

సూప‌ర్ టాలెంటెడ్ యాక్టర్ నవదీప్ సరికొత్త అవతార్‌లో న‌వ‌దీప్ గా 2.Oగా క‌నిపించ‌బోతున్న చిత్రం లవ్,మౌళి. ఇప్పటికే ఈ సినిమా ప్రచార చిత్రాలు, ప్రమోషన్‌ కంటెంట్‌లో అందరిలోనూ సినిమా చూడాలనే ఆసక్తిని పెంచాయి....
- Advertisement -

LEAVE A REPLY

Please enter your comment!
Please enter your name here

Stay Connected

2,000FansLike
1,000FollowersFollow
291FollowersFollow
150,000SubscribersSubscribe
- Advertisement -

Latest Articles

ఆంధ్ర ప్రదేశ్

తెలంగాణ

జాతీయం

అంతర్జాతీయం

ఎంటర్టైన్మెంట్