యూట్యూబ్ చూస్తూ కాన్పు చేసుకున్న 15ఏళ్ల బాలిక

Teen gives birth to baby |నేటి యువతపై సోషల్ మీడియా తీవ్ర ప్రభావం చూపుతోంది. మంచి కన్నా చెడు కోసమే సోషల్ మీడియాను వినియోగిస్తున్న వారి సంఖ్య పెరిగిపోతోంది. టీనేజ్ వయసులోనే ప్రేమ పేరుతో కాలక్షేపాలు చేస్తూ భవిష్యత్ ను నాశనం చేసుకుంటున్నారు. మహారాష్ట్రలోని నాగ్ పూర్ కు చెందిన 15ఏళ్ల బాలికకు సోషల్ మీడియా ద్వారా ఓ యువకుడితో పరిచయం ఏర్పడింది. అనంతరం ఇద్దరు ప్రేమించుకుని శారీరకంగా దగ్గరవ్వడంతో బాలిక గర్భం దాల్చింది. పొట్ట పెరుగుతుంది ఏంటని తల్లి ప్రశ్నించగా అనారోగ్యం వల్లే అని బురిడీ కొట్టించింది. ఇంట్లో ఎవరూ లేని సమయంలో యూట్యూబ్ లో కాన్పుకు సంబంధించిన వీడియోలు చూస్తూ సొంతంగా కాన్పు చేసుకుంది. అనంతరం పుట్టిన బిడ్డను గొంతు నులిమి చంపేసింది. కుమార్తె నీరసంగా కనిపించడంతో తల్లి గట్టిగా ప్రశ్నించేసరికి అసలు విషయం వెలుగులోకి వచ్చింది. సమాచారం అందుకున్న పోలీసులు కేసు నమోదు చేసుకుని దర్యాప్తు చేస్తున్నారు.

Read Also:  తృటిలో ప్రాణాపాయం నుంచి తప్పించుకున్న ఏఆర్ రెహ్మాన్ కుమారుడు

Follow us on:   Youtube   Instagram