సంపూర్ణేష్ బాబు, సంజోష్ ప్రధాన పాత్రల్లో నటించిన చిత్రం ‘సోదర’. ఈ సినిమా నుంచి తాజాగా ‘అన్నంటే దోస్తే సోదరా’ అంటూ సాగే పాటను విడుదల చేశారు. సాంగ్ లాంచ్ ఈవెంట్కు మంచు మనోజ్ ముఖ్య అతిథిగా విచ్చేసి పాటను విడుదల చేశారు. ఈ కార్యక్రమంలో సంపూర్ణేష్ బాబు, సంజోష్, దర్శకుడు మన్ మోహన్ మేనంపల్లి, ప్రొడ్యూసర్ చంద్ర చగంలా, ఆదిత్య మ్యూజిక్ నిరంజన్, మాధవ్, ప్రొడ్యూసర్ శివన్ కుమార్ పాల్గొన్నారు.
ఈ సందర్భంగా మంచు మనోజ్ గారు మాట్లాడుతూ ‘‘ఈ సోదరా సాంగ్ లాంచ్ ఈవెంట్కి నన్ను పిలిచినందుకు చాలా సంతోషంగా ఉంది. డార్లింగ్ సంపు స్మైల్ ఎప్పుడూ స్వచ్ఛంగా హార్ట్ ఫుల్గా ఉంటుంది. సంపూర్ణేష్ని చూస్తే .. నేను కోల్పోయిన నా సోదరుడు ప్రసాద్ గుర్తొస్తారు. ఆయన నవ్వు కూడా సంపూలా స్వచ్ఛంగా ఉంటుంది. సంజోష్ ఈ సినిమాతో సక్సెస్ అవ్వాలని కోరుకుంటున్నాను. అలాగే దర్శకుడు, ప్రొడ్యూసర్లు పడిన కష్టం ఈ సినిమాలో తెలుస్తుంది. ఈ సినిమా అందరికీ మంచి సక్సెస్ ఇవ్వాలని కోరుకుంటున్నాను’’ అని అన్నారు.
సంపూర్ణేష్ బాబు మాట్లాడుతూ ‘‘నా సొంత సోదరుడిలా భావించే మంచు మనోజ్ గారు ఈ కార్యక్రమానికి విచ్చేసి సాంగ్ రిలీజ్ చేయడం చాలా ఆనందంగా ఉంది. కరెంటు తీగ సినిమా చేసినప్పటి నుంచి ఆయనతో అనుబంధం కొనసాగుతోంది. అప్పటినుంచి నన్ను ఒక సొంత సోదరుడిలా భావించారు. అలాగే ఈ పాట ఆదిత్య మ్యూజిక్ ద్వారా విడుదలవుతోంది. ఈవెంట్ కొచ్చి మమ్మల్ని బ్లెస్ చేసిన మంచు మనోజ్ గారికి కృతజ్ఞతలు’’ అని అన్నారు.
సంజోష్ మాట్లాడుతూ ‘‘అన్నంటే దోస్తే సోదరా సాంగ్ లాంచ్ ఈవెంట్ కి వచ్చి మమ్మల్ని ప్రోత్సహిస్తున్న మంచు మనోజ్ గారికి కృతజ్ఞతలు. షూటింగ్ బిజీలో ఉండి కూడా మా కోసం ఒక రోజుని ఇచ్చి ఈవెంట్కి వచ్చారు. అలాగే ఈ సినిమా మంచి సక్సెస్ అవ్వాలని కోరుకుంటున్నాను’’ అని అన్నారు.
నిర్మాత చంద్ర చాగంల మాట్లాడుతూ ‘‘ఈ సాంగ్ లాంచ్ ఈవెంట్కి వచ్చిన మంచు మనోజ్ గారికి కృతజ్ఞతలు. ఈ సాంగ్ పెద్ద సక్సెస్ అవుతుంది. అలాగే సినిమా కూడా మంచి సక్సెస్ అవ్వాలని కోరుకుంటున్నా’’ అని అన్నారు.
దర్శకుడు మన్ మోహన్ మేనంపల్లి ‘‘అన్నంటే దోస్తే సోదరా సాంగ్ రాసింది సుద్దాల అశోక్ తేజ గారు. ఆయన పాట రాసేటప్పుడు ఎంతో కనెక్ట్ అయ్యారు. అలాగే అప్పుడే చెప్పారు ఈ పాట మంచి సక్సెస్ అవుతుందని. ఈ సినిమాకి సంగీతం సునీల్ కశ్యప్ అందించారు. ఈ సినిమా అన్నదమ్ముల మధ్య అనుబంధానికి అద్దం పట్టేలా ఉంటుంది. ఈ కార్యక్రమానికి విచ్చేసిన మంచు మనోజ్ గారికి ప్రత్యేక కృతజ్ఞతలు’’ అని అన్నారు.
నటీనటులు: సంపూర్ణేష్ బాబు, సంజోష్, ప్రాచీబంసాల్, ఆరతి గుప్తా, బాబా భాస్కర్, బాబు మోహన్, గెటప్ శీను
కథ మరియు దర్శకత్వం: మన్ మోహన్ మేనంపల్లి
సంగీతం: సునీల్ కశ్య ప్
డిఓపి: జాన్
ఎడిటర్: శివశర్వాణి
లిరిక్స్: సుద్దాల అశోక్ తేజ మరియు పూర్ణ చారి
ప్రొడ్యూసర్: చంద్ర చగంలా
నిర్మాణ సంస్థ: క్యాన్స్ ఎంటర్టైన్మెంట్స్ మరియు మాంక్ ఫిలిమ్స్
పీఆర్వో: ఏలూరు శ్రీను