Free Porn
xbporn
23.2 C
Hyderabad
Thursday, July 25, 2024
spot_img

రేవంత్ ఎత్తులకు కేసీఆర్ చిత్తు

తెలంగాణ అసెంబ్లీలో బలం పెంచుకోవడానికి కాంగ్రెస్ పావులు కదుపుతోంది. ఇప్పటికే ఎమ్మెల్యేలను చేర్చుకున్న కాంగ్రెస్ పార్టీ ఇప్పుడు మండలిపైనా దృష్టి పెట్టింది. పెద్ద ఎత్తున ఎమ్మెల్యేలతో పాటు ఎమ్మెల్సీలను కూడా పార్టీలో చేర్చుకోవడానికి వ్యూహాత్మకంగా వ్యవహరిస్తోంది. మరి ఎంతమంది హస్తం గూటికి చేరుతారు..?

ఆపరేషన్ ఆకర్ష్‌ లో భాగంగా పార్లమెంట్ ఎన్నికల ముందుకు ఫస్ట్ ఇన్నింగ్స్ మొదలు పెట్టిన కాంగ్రెస్.. ఇప్పుడు సెకండ్ ఇన్నింగ్స్ మొదలు పెట్టనుంది. మొదటి ఇన్నింగ్స్ లో తెల్లవెంకట్ రావు, కడియం శ్రీహరి, దానం నాగేందర్ లాంటి వాళ్లు జాయిన్ అయితే సెకండ్ ఇన్నింగ్స్ లో సంజయ్, పోచారం శ్రీనివాసరెడ్డి, కాలే యాదయ్యలు కండువా కప్పుకున్నారు. ఇప్పటికే ఇద్దరు ఎమ్మెల్సీలు కూడా హస్తం గూటికి చేరారు. అసెంబ్లీ సమావేశాల్లోపు పెద్ద ఎత్తున ఎమ్మేల్యేలు, ఎమ్మెల్సీలును చేర్చుకుంటే.. అటు అసెంబ్లీ..ఇటు మండలిలో బిల్లుల ఆమోదానికి ఆలస్యం ఉండదని కాంగ్రెస్ సర్కార్ భావిస్తుంది.

అసెంబ్లీ ఎన్నికల్లో కాంగ్రెస్ కూటమి 64 స్థానాల్లో గెలుపొందగా 39 స్థానాల్లో బీఆర్ఎస్ అభ్యర్థులు గెలిచారు. అందులో బీఆర్ఎస్ కంటోన్మెంట్ ఎమ్మెల్యే కారు ప్రమాదంలో మరణించడంతో ఉప ఎన్నిక ల్లో ఆ స్థానాన్ని కాంగ్రెస్ దక్కించుకుంది. దీంతో కాంగ్రెస్ ఎమ్మెల్యేల సంఖ్య 65కు పెరిగింది. అసెం బ్లీ ఎన్నికల తరువాత ఇప్పటివరకు కాంగ్రెస్ లోకి ఆరుగురు ఎమ్మేల్యేలు చేరారు. దాంతో బీఆర్ఎస్ ఎమ్మెల్యేల సంఖ్య 32కు తగ్గింది. మరోవైపు మండలిలో 29మంది ఎమ్మెల్సీలకు గాను ఇద్దరు ఎమ్మె ల్సీలు కాంగ్రెస్ తీర్థం పుచ్చుకోవడంతో మండలిలో బీఆర్ఎస్ ఎమ్మెల్సీల సంఖ్య 29 నుంచి 27కు పడిపోయింది. కుచుకుళ్ల దామోదర్ రెడ్డి, పట్నం మహేందర్ రెడ్డి, ఎమ్మెల్యే కోటా ఎమ్మెల్సీలుగా మహేష్ కుమార్ గౌడ్, బాల్మురు వెంకట్, తీన్మార్ మల్లన్నతో కలుపుకొని కాంగ్రెస్ కు మండలిలో నాలుగున్న సంఖ్యా బలం ఆరుకు చేరింది.

ఆదిలాబాద్, గ్రేటర్ హైదరాబాద్ పైనే రేవంత్ రెడ్డి ప్రత్యేకంగా ఫోకస్ పెట్టినట్లు తెలుస్తోంది. ఈ మూడు ప్రాంతాల్లోనే పార్లమెంట్, అసెంబ్లీ ఎన్నికల్లో కాంగ్రెస్ వైఫల్యాలను చవిచూసింది. దీంతో ఈ ప్రాంతాల్లో పార్టీని పటిష్టం చేయడం కోసం చేరికలు తప్పనిసరి అని భావిస్తున్నారు. అందులో భాగంగానే పోచారం శ్రీనివాసరెడ్డి రెడ్డి చేరిక అంటున్నారు కాంగ్రెస్ నేతలు. స్వయంగా సీఎం రేవంత్ రెడ్డి పోచారం ఇంటికి వెళ్లి పార్టీలో చేర్చుకోవడంతో చేరికలపై కాంగ్రెస్ ఎంత ఫోకస్ పెట్టిందో అర్థమవుతుంది అంటున్నారు హస్తం నేతలు.

  మరోవైపు జానారెడ్డి పుట్టినరోజు సందర్భంగా ఆయనను కలవడం కూడా చేరికకు సంకేతమనే సందేహాలు కలుగుతున్నాయి. హస్తం గూటికి చేరాలనుకునే ఎమ్మెల్సీలు జానారెడ్డిని సంప్రదిస్తున్నట్లు పెద్ద ఎత్తున చర్చ జరుగుతుంది. మండలిలో కాంగ్రెస్ కు సరైన సంఖ్యా బలం లేకపోవడంతో మండలిలో సగానికి పైగా ఎమ్మెల్సీలను చేర్చుకోవాలని కాంగ్రెస్ భావిస్తోంది. అయితే ఇప్పటికే మండలి ఛైర్మన్ గుత్తా సుఖేందర్ రెడ్డి కొడుకు అమిత్ రెడ్డి కాంగ్రెస్ తీర్థం పుచ్చుకున్నారు. ఇలా అసెంబ్లీ సమావేశాల్లోపు పెద్ద ఎత్తున ఎమ్మెల్సీలు కాంగ్రెస్ లో చేరుతారనే ప్రచారం పార్టీ వర్గాల్లో వినబడుతుంది. ఇప్పటికే ఉమ్మడి జిల్లాల వారీగా బీఆర్ఎస్ ఎమ్మెల్సీలను చేర్చుకోవడానికి జిల్లాల వారీగా మంత్రులు ఎమ్మెల్సీలతో మంతనాలు జరుపినట్లు తెలుస్తోంది.

   ఇదిలా ఉంటే దానం నాగేందర్ వ్యాఖ్యలు రాజకీయ వర్గాల్లో తీవ్ర దుమారం రేపుతున్నాయి. తలసాని, మాగంటి గోపినాథ్, అరికెపూడి గాంధీతో పాటు పలువురు బీఆర్ఎస్ నేతలు కాంగ్రెస్ కండువా కప్పుకోవ డానికి సిద్ధంగా ఉన్నారని.. అయితే హరీష్ రావు వారందరినీ బీజేపీలోకి తీసుకెళ్లే ప్రయత్నం చేస్తున్నార న్నారు. కానీ ఎమ్మెల్యేలందరు కూడా కాంగ్రెస్ లో చేరేందుకు మొగ్గు చూపుతున్నారని చెప్పారు. దీంతో గ్రేటర్ లో చేరికలు ముమ్మరం అయ్యే అవకాశం ఉందనే చర్చ జరుగుతోంది. గతంలో కేసీఆర్ అమలు చేసిన ఫార్ములానే ఇప్పుడు రేవంత్ రెడ్డి అమలు చేస్తున్నారు. 2014లో టీడీపీ, కాంగ్రెస్, బీఎస్పీ, సీపీఐ ఎమ్మెల్యేలను.. 2018లో కాంగ్రెస్ ఎమ్మెల్యేలను కేసీఆర్ తన పార్టీలో చేర్చుకున్నారు. ఇప్పుడు రేవంత్ కూడా బీఆర్ఎస్ ఎమ్మెల్యేలను కాంగ్రెస్ లో చేర్చుకుని సంఖ్య పరంగా బలపడాలని చూస్తున్నారట.

   అయితే బీఆర్ఎస్ ఎమ్మెల్యేలు కాంగ్రెస్ లో జాయిన్ అవుతున్నప్పటికీ కింది స్థాయిలోని కార్యకర్తలు మాత్రం తీవ్రంగా వ్యతిరేకిస్తున్నారు. పదేళ్ల పాటు కార్యకర్తలను, నేతలను కేసులతో వేధించిన బీఆర్ఎస్ ఎమ్మెల్యేలను ఎలా చేర్చుకుంటారంటూ కాంగ్రెస్ పార్టీ కార్యకర్తలు పెద్ద ఎత్తున నిరనలు దిగుతున్నారు. పోచారం శ్రీనివాస్ రెడ్డి, కాలే యాదయ్య నియోజకవర్గాల్లో కాంగ్రెస్ పార్టీ నాయకులు, కార్యకర్తలు ఇప్పటికీ ధర్నాలు, నిరసనలు తెలియజేస్తున్నారు.

   అధిష్టానం సూచనలు మేరకు చేరికలు మంచిదే అని కొందరు అంటుంటే, మరికొందరు కాంగ్రెస్ నేతలు ప్రజల అభిప్రాయాలను విస్మరించొద్దు అంటున్నారు. కేసీఆర్ పతనానికి మొదటి కారణం ప్రతి పక్షం లేకుండా చేయడమే అంటున్నారు. భవిష్యత్ లో రేవంత్ కు కూడా ఇదే పరిస్థితి ఎదురుకా వొచ్చం టున్నారు. తాత్కాలిక ప్రయోజనాలను చూసుకుంటే దీర్ఘకాలికంగా పార్టీ నష్టపోవాల్సి వస్తుందనే విషయాన్ని మర్చిపోవద్దంటున్నారు రాజకీయ విశ్లేషకులు.

Latest Articles

ట్రెండింగ్‌లో సుధీర్ బాబు ‘హరోంహర’

సుధీర్‌బాబు హీరోగా జ్ఞానసాగర్‌ ద్వారక తెరకెక్కించిన చిత్రం ‘హరోం హర’. యాక్షన్‌ డ్రామాగా ప్రేక్షకుల ముందుకువచ్చిన ఈ చిత్రం ఓటీటీలో అలరిస్తోంది. ఏకంగా మూడు ఓటీటీల్లో అందుబాటులో ఉంది. ఈటీవీ విన్‌, ఆహాలతో...
- Advertisement -

LEAVE A REPLY

Please enter your comment!
Please enter your name here

Stay Connected

2,000FansLike
1,000FollowersFollow
291FollowersFollow
150,000SubscribersSubscribe
- Advertisement -

Latest Articles

ఆంధ్ర ప్రదేశ్

తెలంగాణ

జాతీయం

అంతర్జాతీయం

ఎంటర్టైన్మెంట్