కాసేపట్లో మైదుకూరులో జగన్ పర్యటన

     ఎన్నికల ప్రచారంలో భాగంగా నేడు కడప జిల్లా మైదుకూరులో జగన్ పర్యటించనున్నారు. సీఎం పర్యటనకు సంబంధించి డీఎస్పీ వెంకటేశులు భారీ బందోబస్తు ఏర్పాటు చేశామన్నారు. మైదుకూరు పట్టణం గుండా పోయే 167వ జాతీయ రహదారి, సభ జరిగే ప్రొద్దుటూరు రోడ్డులో నిఘా నేత్రాలను ఉంచామన్నారు. స్థానిక కోర్టు ప్రాంగణానికి దగ్గరలో ఓ హెలిపాడ్ ఏర్పాటు చేశామన్నారు. ఎలాంటి అవాంఛనీయ సంఘటనలు జరగకుండా సభ జరిగే ప్రాంగణానికి చుట్టు పక్కల ప్రదేశాన్ని జల్లెడ పట్టి క్షుణ్ణంగా పరిశీలించామన్నారు.