టెర్రరిస్ట్ దాడిలో గాయపడిన జవాన్ మృతి

జమ్మూ కశ్మీర్ లో పూంఛ్ సెక్టార్ లో టెర్రరిస్ట్ ల దాడిలో గాయపడిన నలుగురు జవాన్లలో ఒకరు తీవ్ర గాయాలతో చికిత్స పొందుతూ మరణించారు. జమ్ముకశ్మీర్ లోని పూంచ్ జిల్లాలో భారత వైమానిక దళం కాన్వాయ్ పై శనివారం జరిగిన ఉగ్రదాడిలో నలుగురు సైనికులు గాయపడ్డారు. ఒకరు మరణించగా, మరొకరి పరిస్థితి విషమంగా ఉంది. టెర్రరిస్ట్ లు దాడులు జరిపిన ప్రదేశంలో అదనపు ఐఏఎఫ్, ఆర్మీ సిబ్బందిని మోహరించారు. టెర్రరిస్ట్ లకోసం గాలిస్తున్నారు. IAF గరుడ్ స్పెషల్ ఫోర్సెస్ కు చెందిన సిబ్బంది కూడా ఘటనా స్థలానికి చేరారు.