Priyadarshi | తన కామెడీ టైమింగ్స్, సాఫ్ట్ డైలాగ్ తో ప్రముఖ కమెడియన్, హీరో ప్రియదర్శి దూసుకెళ్తున్నారు. వినూత్న సినిమాలు చేస్తూ.. తెలంగాణ యాసలో అభిమానుల్ని కట్టిపడేస్తున్నారు. అభిమానుల నుండి అంతటి క్రేజ్ ను సంపాదించుకున్న ప్రియదర్శి.. తాజాగా బలగం సినిమాతో హిట్ టాక్ తెచ్చుకున్నారు. కమెడియన్ వేణు దర్శకత్వంలో వచ్చిన ఏ సినిమా ఎలాంటి అంచనాలు లేకుండా తెలంగాణ భావాలు, భావోద్వేగాలను కదిలిస్తూ.. రాష్ట్రమంతటా ఓ ఊపు ఊపేసింది. తెలంగాణ ప్రజల హృదయాలను కదిలించింది ఈ సినిమా. ప్రతి గ్రామ గామాల్లో బలగం సినిమాను ప్రదర్శించడమే ఇందుకు నిదర్శనం. అయితే ఈ సినిమాలో ప్రియదర్శి కీ రోల్ చేయడంతో ప్రస్తుతం తన రెమ్యూనరేషన్ ను అమాంతం పెంచేశారు.
తాజా సమాచారం ప్రకారం… ప్రియదర్శి హీరోగా రెండు కోట్ల వరకు రెమ్యూనరేషన్ డిమాండ్ చేస్తున్నట్లు తెలుస్తోంది. బలగం సినిమాతో తన క్రేజ్ పెరగటంతో అమాంతం తన రెమ్యూనరేషన్ పెంచేశాడని అనుకుంటున్నారు. మంచికథ, దానికి తగ్గట్టు ప్రియదర్శి పాత్ర ఉంటే.. ప్రియదర్శితో సినిమాలు చేయడానికి ఎంత ఖర్చు అయినా వెనకాడట్లేదని అంటున్నారట.
