సహజీవనంపై హైకోర్టు సంచలన వ్యాఖ్యలు..!

స్వతంత్ర వెబ్ డెస్క్: లివ్ ఇన్ రిలేషన్ షిప్(Live in relationship) పై అలహాబాద్ హైకోర్టు(Allahabad High Court) సంచలన వ్యాఖ్యలు చేసింది. లివ్-ఇన్ రిలేషన్ షిప్ ను టైమ్ పాస్(Timepass) అగ్రిమెంట్ అని పేర్కొంది. ఈ రిలేషన్ షిప్స్ ను సుప్రీంకోర్టు కచ్చితంగా గుర్తిస్తుందని, అయితే అలాంటి సంబంధాలలో నిజాయితీ కంటే పరస్పర ఆకర్షణ లేదా ఆకర్షణే ఎక్కువగా ఉంటుందని హైకోర్టు పేర్కొంది.

సహజీవనం విషయంలో అలహాబాద్ హైకోర్టు సంచలన నిర్ణయం తీసుకుంది. లివ్-ఇన్ రిలేషన్ షిప్ ను టైమ్ పాస్ అగ్రిమెంట్(Time Pass Agreement) అని పేర్కొంది. లివ్ ఇన్ రిలేషన్ షిప్స్ ను సుప్రీంకోర్టు కచ్చితంగా గుర్తిస్తుందని, అయితే అలాంటి సంబంధాలలో నిజాయితీ కంటే పరస్పర ఆకర్షణ లేదా ఆకర్షణే ఎక్కువగా ఉంటుందని హైకోర్టు పేర్కొంది. లివ్-ఇన్ సంబంధాలు చాలా సున్నితమైనవి, తాత్కాలికమైనవని పేర్కొంది. హైకోర్టు తీర్పు ప్రకారం జీవితం కష్టాలు, పోరాటాలతో కూడుకున్నది. ఇది పూల పాన్పుగా పరిగణించవద్దని పేర్కొంది.  

ముస్లిం యువకుడితో తాను సహజీవనంలో ఉన్నాననీ, తమకు పోలీసు రక్షణ కల్పించాలని కోరుతూ హిందూ యువతి చేసిన అభ్యర్థనను అలహాబాద్ హైకోర్టు తిరస్కరించింది.కేవలం 2 నెలల పాటు ఎవరితోనైనా లివ్ ఇన్ రిలేషన్ షిప్ లో ఉండటం ద్వారా రిలేషన్ షిప్ మెచ్యూరిటీ(Relationship Maturity)ని అంచనా వేయలేమని కోర్టు పేర్కొంది. లివ్ ఇన్ రిలేషన్ షిప్ లో నివసిస్తున్న హిందూ యువతి, ముస్లిం అబ్బాయి పిటిషన్ ను హైకోర్టు తిరస్కరించింది.

మీడియా నివేదికల ప్రకారం.. ఈ మొత్తం వ్యవహారం మధుర(Madhura) జిల్లాలోని రిఫైనరీ పోలీస్ స్టేషన్ పరిధిలో ప్రాంతానికి సంబంధించినది. రాధిక(Radhika) అనే 22 ఏళ్ల యువతి ఇంటిని వదిలి సాహిల్(Sahil) అనే యువకుడితో లివ్ ఇన్ రిలేషన్ షిప్ ఉండటం ప్రారంభించింది. ఈ తరుణంలో ఆగస్టు 17న మధురలోని రిఫైనరీ పోలీస్ స్టేషన్‌లో రాధిక కుటుంబ సభ్యులు సాహిల్‌పై ఐపీసీ సెక్షన్ 366 కింద కేసు పెట్టారు. పెళ్లి కోసం రాధికను కిడ్నాప్(Kidnap) చేసినందుకు సాహిల్‌పై కుటుంబ సభ్యులు కేసు పెట్టారు. అతని వల్ల ఆమె ప్రాణాలకు ముప్పు ఉందని కూడా పేర్కొన్నారు.

 ఈ తరుణంలో తాము లివ్ ఇన్ రిలేషన్ షిప్ లో ఉన్నామనీ, ఎఫ్ ఐఆర్(FIR) ను రద్దు చేయాలంటూ అలహాబాద్ హైకోర్టు(Allahabad High Court)లో పిటిషన్ దాఖలు చేసింది రాధిక. తనకు లేదా తన ప్రేమికుడు సాహిల్‌కు ప్రాణహాని ఉందని, కట్టుదిట్టమైన భద్రతా ఏర్పాట్లు చేయాలని మధుర పోలీసులను ఆదేశించాలని పిటిషన్‌లో రాధిక కుటుంబ సభ్యుల నుండి డిమాండ్ చేశారు. నిందితుడు సాహిల్ అరెస్టును నిషేధించాలని కోర్టు నుంచి డిమాండ్ కూడా వచ్చింది.

ఈ నేపథ్యంలో సాహిల్ తరపున అతని బంధువు ఎహసాన్ ఫిరోజ్ పిటిషన్ దాఖలు చేశారు. ఈ పిటిషన్‌పై జస్టిస్‌ రాహుల్‌ చతుర్వేది, జస్టిస్‌ మహ్మద్‌ అజర్‌ హుస్సేన్‌ ఇద్రిసీ డివిజన్‌ ​​బెంచ్‌లో విచారణ జరిగింది. కోర్టులో విచారణ సందర్భంగా, రాధిక , సాహిల్ ఇద్దరూ పెద్దవాళ్లని , వారి స్వంత ఇష్టానుసారం ఒకరితో ఒకరు లైవ్-ఇన్ రిలేషన్‌షిప్‌లో జీవిస్తున్నారని వారి తరపున వాదించారు. దీంతో పాటు సుప్రీంకోర్టు(Supreme court) తీర్పు ప్రకారం ఇద్దరికీ కలిసి జీవించే హక్కు ఉందని, వారి జీవితాల్లో జోక్యం చేసుకునే హక్కు ఎవరికీ లేదని పేర్కొంది. రాధిక, సాహిల్‌ల ఈ పిటిషన్‌ను రాధిక కుటుంబ సభ్యులు వ్యతిరేకించారు.

సాహిల్‌కు నేర చరిత్ర(Criminal history) ఉందని, అతనిపై 2017లో మధురలోని ఛాటా పోలీస్ స్టేషన్‌(Chatta Police Station)లో కేసు కూడా నమోదైందని కోర్టుకు తెలిపారు. బాధితురాలి కుటుంబం తరపున, సాహిల్‌తో రాధిక భవిష్యత్తు అస్సలు సురక్షితం కాదని, అతను ఎప్పుడైనా ఆమె ప్రాణానికి ముప్పుగా మారవచ్చని చెప్పారు. ఈ కేసులో తీర్పును వెలువరిస్తూనే ఎఫ్‌ఐఆర్‌ను రద్దు చేసి రాధిక, సాహిల్‌లకు భద్రత కల్పించాలన్న డిమాండ్‌ను హైకోర్టు అంగీకరించలేదని, పిటిషన్‌ను తిరస్కరించింది.