తమిళనాడులో ఘోర ప్రమాదం.. 8 మంది మృతి

తమిళనాడు(Tamilnadu) రాష్ట్రంలో ఘోర ప్రమాదం చోటు చేసుకుంది. కాంచీపురం జిల్లాలోని బాణాసంచా తయారీ యూనిట్‌లో పేలుడు జరిగింది. ఈ ప్రమాదంలో ఎనిమిది మంది కార్మికులు దుర్మరణం చెందారు. మరో 15 మంది గాయపడ్డారు. క్షతగాత్రుల్లో కూడా పలువురి పరిస్థితి విషమంగా ఉన్నట్లు తెలుస్తోంది. పేలుడు దాటికి సమీపంలో ఉన్న నాలుగు పూరిళ్లు ధ్వంసమయ్యాయి. ఆ ప్రాంతమంతా పెద్ద ఎత్తున మంటలు చెలరేగాయి. ప్రమాదం జరిగిన సమయంలో ఫ్యాక్టరీలో 35 మంది కార్మికులు ఉన్నట్లు సమాచారం. సమాచారం అందుకున్న పోలీసులు, అగ్నిమాపక సిబ్బంది మంటలను అదుపులోకి తెచ్చే ప్రయత్నం చేస్తున్నారు. ప్రమాదానికి గల కారణాలు తెలియాల్సి ఉంది.

Read Also: పెరుగుతున్న కరోనా కేసులు.. కట్టడిపై ప్రధాని మోదీ సమీక్ష