వైసీపీకి రాజీనామా చేసిన డొక్కా మాణిక్య వరప్రసాద్

మాజీ మంత్రి డొక్కా మాణిక్య వరప్రసాద్‌ వైసీపీకి రాజీనామా చేశారు. గుంటూరు జిల్లా అధ్యక్ష పదవికి, క్రియశీల సభ్యత్వానికి రాజీనామా చేస్తూ లేఖను వైసీపీ అధ్యక్షుడు, ఏపీ సీఎం వైఎస్‌ జగన్‌కు పంపారు. గత కొంతకాలంగా పార్టీ కార్యక్రమాలకు దూరంగా ఉంటున్న మాణిక్య వరప్రసాద్‌ టీడీపీ ఎమ్మెల్సీగా పనిచేసి 2022లో వైసీపీ తీర్థం పుచ్చుకున్నారు. ప్రస్తుత ఎన్నికల్లో పార్టీ అధిష్టానం తగిన గుర్తింపు ఇవ్వడం లేదని కొన్ని రోజులుగా పార్టీ కార్యకలాపాలకు దూరంగా ఉంటున్నారు. ఈ నేపథ్యంలోనే ఆయన అధికార పార్టీకి రాజీనామా చేశారు. ఆయన తిరిగి టీడీపీలో చేరేందుకు ప్రయత్నిస్తున్నట్లు సమాచారం.