ఓటీటీలో నాగచైతన్య ‘కస్టడీ’ ఎప్పుడంటే?

స్వతంత్ర, వెబ్ డెస్క్: అక్కినేని నాగచైతన్య కానిస్టేబుల్‌ పాత్రలో, ప్రముఖ నటుడు అరవింద్ స్వామి నేరస్తుడిగా నటించిన ‘కస్టడీ’ చిత్రం బుల్లితెరపైకి వచ్చేస్తోంది. కోలీవుడ్‌ దర్శకుడు వెంకట్‌ ప్రభు తెరకెక్కించిన ఈ చిత్రం మే 12న థియేటర్లలో విడుదలైంది. అయితే ఎన్నో అంచనాల మధ్య తెలుగు, తమిళ భాషల్లో రిలీజ్ అయిన ఈ చిత్రం డివైడ్ టాక్ తెచ్చుకుంది. తాజాగా ఈ మూవీ ఓటీటీ స్ట్రీమింగ్ ఖరారైంది. అమెజాన్‌ ప్రైమ్‌ వేదికగా జూన్‌ 9 నుంచి అభిమానులకు అందుబాటులో ఉండనుందని ఆ సంస్థ అధికారికంగా ప్రకటించింది. తెలుగు, తమిళంతోపాటు కన్నడ, మలయాళంలోనూ ఈ చిత్రాన్ని వీక్షించవచ్చని తెలిపింది. మరి థియేటర్లలో అంతగా విజయం సాధించని ఈ మూవీ ఓటీటీ వేదికలోనైనా ఆకట్టుకుంటుందో లేదో మరో రెండు రోజులు ఆగాల్సిందే.