కాంగ్రెస్ అంటే ఉద్యోగుల సంక్షోభ ప్రభుత్వం – కేటీఆర్

కాంగ్రెస్ ప్రభుత్వం ఉద్యోగుల సంక్షోభ ప్రభుత్వమని అన్నారు బీఆర్ఎస్ వర్కింగ్ ప్రెసిడెంట్ కేటీఆర్. 165 మంది ఏఈవోలు, 20 మంది కానిస్టేబుళ్లను సస్పెండ్‌ చేయడం దారుణమని విమర్శించారు. ఈమేరకు ఆయన ఎక్స్‌ వేదికగా పోస్టు చేశారు. అడ్డగోలు సాకులతో వారిని సస్పెండ్‌ చేశారని పేర్కొన్నారు. హక్కులు అడిగితే సస్పెండ్‌ చేస్తారా అని ప్రశ్నించారు. 2 లక్షల ఉద్యోగాల మాట అటుంచితే.. ఉన్న ఉద్యోగాలను తీసేస్తున్నారని విమర్శించారు. ఎల్లప్పుడూ ప్రభుత్వ ఉద్యోగులకు బీఆర్ఎస్ అండగా ఉంటుందని హామీ ఇచ్చారు. సస్పెండ్‌ చేసిన వారిని తక్షణం విధుల్లోకి తీసుకోవాలని డిమాండ్‌ చేశారు.