విశాఖపట్టణం(Vizag)లో పెను ప్రమాదం తప్పింది. డ్రైవర్ నిర్లక్ష్యం కారణంగా పెట్రోల్ ట్యాంకర్ ఎన్ఏడీ జంక్షన్ వద్ద ఫుట్ ఓవర్ కింద ఇరుక్కుపోయింది. శ్రీకాకుళం నుంచి రాజమండ్రికి ఫ్లై ఓవర్ మీద నుంచి వెళ్లాల్సిన భారీ పెట్రోల్ ట్యాంకర్ దిగువ రోడ్డు మార్గంలోకి రావడంతో ఫుట్ ఓవర్ వంతెన కింద ఇరుక్కుపోయి ఆగిపోయింది. పెట్రోల్ ట్యాంకర్ కావడంతో స్థానికులు తీవ్ర భయాందోళనకు గురయ్యారు. సమాచారం అందుకున్న పోలీసులు రెండు భారీ క్రేన్ లతో ట్యాంకర్ బయటకు తీసేందుకు మూడు గంటల పాటు శ్రమించారు. లారీని బయటకు తీసే సమయంలో ట్రాఫిక్ జాం అవ్వడంతో ఇతర వాహనాలు ఫ్లై ఓవర్ మీద నుంచి రాకపోకలు సాగించాయి. పోలీసులు లారీ డ్రైవర్ పై కేసు నమోదుచేసి అదుపులోకి తీసుకున్నారు.
Read Also: విజయవాడ దుర్గగుడి దుకాణదారులు మెరుపు సమ్మె
Follow us on: Youtube Instagram