Holi Festival |సనాతన సంప్రదాయాల్లో అనేక పండుగలు ఆచరణలో ఉన్నా.. దేశమంతటా ఎంతో ఐకమత్యంతో రంగురంగులతో జీవితాలన్నీ రంగులమయం కావాలని జరుపుకునే ఒకే ఒక్క పండుగ ‘హోలీ’. అయితే ఈ హోలీ పండుగను జరుపుకోవడానికి ఓ పురాణ గాథ ప్రాచుర్యంలో ఉంది.
హిరణ్యకశిపుని కుమారుడు భక్త ప్రహ్లాదుడు. అతను అత్యంత విష్ణు భక్తుడు. కాని తండ్రి హిరణ్యకశిపుడు మాత్రం శివ భక్తుడు. అయితే తన కుమారుడు ప్రహ్లాదుడు ఎన్ని సార్లు చెప్పినా.. విష్ణు నామం జపిస్తూ ఉన్నాడని ప్రహ్లాదునికి ప్రాణం తీయాలని విశ్వప్రయత్నాలు చేస్తాడు. ప్రతి ప్రయత్నంలో ఆ మహావిష్ణువు ప్రహ్లాదున్ని కాపాడుతాడు. హిరణ్యకశిపునికి హోళికా అనే సోదరి ఉంది. ఆమెకు ఒక వరం ఉంది. ఆమె అగ్నిలో దూకినా ఆమె ప్రాణాలకు ఏమి కాదు. దీంతో ప్రహ్లాదున్ని చంపేదుకు హోళికా.. ప్రహ్లాదుడుని తన వడిలో కూర్చోపెట్టుకుని అగ్నిలో కూర్చుంటుంది. అప్పుడు విష్ణమూర్తి మహిమ వల్ల ప్రహ్లాదుడు ప్రాణాలతో బయటపడతాడు.హోళికా అగ్నికి ఆహుతి అవుతుంది.
అప్పటి నుంచి ఆ పరమాత్ముడైన మహావిష్ణువుని ధ్యానించడం వల్ల.. అగ్నికి ఆహుతికాని హోళికా కూడా దగ్దమైందని.. పరమాత్ముడిని పూజించడం, ధ్యానించడం వల్ల కష్టకాలాల్లో ఆదుకుంటాడని భక్తుల విశ్వాసం. ప్రతి ఏటా జరుపుకొనే ఈ హోలీ.. రాక్షస జాతికి చెందిన హోళికా మరణించిన దానికి గుర్తుగా జరుపుకుంటారని ప్రాచుర్యం పొందింది.
Read Also: ‘ప్రాణం తీసిన యువకుడి కామం’
Follow us on: Youtube Instagram