శంషాబాద్‌ ఎయిర్‌పోర్టులో కొనసాగుతోన్న ఆపరేషన్‌ చిరుత

శంషాబాద్‌ ఎయిర్‌పోర్టులో ఆపరేషన్‌ చిరుత కొనసాగుతోంది. చిరుతను పట్టుకునేందుకు ఫారెస్టు అధికారులు రెండు రోజులుగా శ్రమిస్తున్నారు. 9ట్రాప్‌ కెమెరాలు, ఒక బోను ఏర్పాటు చేశారు. నిన్న ఫెన్సింగ్‌ దూకుతుండడం కెమెరాలో రికార్డు అయినా, ఆ తరువాత చిరుత ఎక్కడికి వెళ్లిందనే అనవాళ్లు కనిపించడం లేదు. శంషాబాద్‌ ఎయిర్‌ పోర్టు సమీపంలో కావడంతో స్థానికులు భయాందోళ నకు గురవుతున్నారు. దీంతో రంగంలోకి దిగిన ఫారెస్టు అధికారులు చిరుతను పట్టుకునేందుకు కంటిమీద కునుకు లేకుండా శ్రమిస్తున్నారు.