నంద్యాల జిల్లా ఆత్మకూరు మండలంలో గాలి, వాన భీభత్సం

  ఈదురుగాలులతో కూడిన వడగండ్ల వాన నంద్యాల జిల్లా ఆత్మకూరు మండలంలో భీభత్సం సృష్టిం చింది. మండలంలోని పలు గ్రామాల్లో విద్యుత్‌కు తీవ్ర అంతరాయం ఏర్పడింది. చెట్లు నేలకొరిగాయి. దీంతో రహదారుల రాకపోకలకు తీవ్ర అంతరాయం ఏర్పడింది. ఈదురుగాలులకు పశువుల రేకుల షెడ్లు ఎగిరిపడ్డాయి. ఆత్మకూర్ తోపాటు, నల్లమల అటవీ ప్రాంత గ్రామాలైన నల్లకాల్వ, బాపనం తాపు రం, ముష్టెపల్లె, సిద్దపల్లె, పెద్ద అనంతాపురం గ్రామాల్లో ఏకధాటిగా పడిన వడగండ్ల వానకు పక్షులు అల్లాడిపోయాయి. కొన ఊపిరితో ఉన్న వాటిని గ్రామస్తులు కాపాడారు. అటు విద్యుత్‌ను పునరు ద్దరించే పనిలో అధికార యంత్రాంగం నిమగ్నమైంది.