కాంగ్రెస్‌ కేంద్ర ఎన్నికల కమిటీలో ఉత్తమ్‌ కు చోటు..!

స్వతంత్ర వెబ్ డెస్క్: తెలంగాణ సహా ఐదు రాష్ట్రాల అసెంబ్లీ ఎన్నికల నేపథ్యంలో కాంగ్రెస్‌ అధిష్టానం నూతనంగా 16 మంది సభ్యులతో కేంద్ర ఎన్నికల కమిటీని ఏర్పాటు చేసింది. ఈ కీలక కమిటీలో తెలంగాణ నుంచి పార్టీ ఎంపీ ఉత్తమ్‌కుమార్‌ రెడ్డికి చోటు కల్పించారు. మల్లికార్జున ఖర్గే ఈ కమిటీని ఏర్పాటు చేయగా, ఏఐసీసీ ప్రధాన కార్యదర్శి కేసీ వేణుగోపాల్‌ సోమవారం సాయంత్రం  ఉత్తర్వులు జారీ చేశారు. ఈ కమిటీలో మల్లికార్జున ఖర్గే, సోనియా గాందీ, రాహుల్‌ గాందీ, అంబికా సోని, అదీర్‌ రంజన్‌ చౌదరి, సల్మాన్‌ ఖుర్షీద్, మధుసూదన్‌ మిస్త్రీ, ఎన్‌.ఉత్తమ్‌కుమార్‌ రెడ్డి, టీఎస్‌ సింగ్‌ దేవ్, కేజే జార్జ్, ప్రీతమ్‌ సింగ్, మహమ్మద్‌ జావేద్, అమీ యాజ్ఞిక్, పీఎల్‌ పునియా, ఓంకార్‌ మార్కం, కేసీ వేణుగోపాల్‌లు ఉన్నారు.