గుజరాత్లోని మోర్బీలో అమానుష ఘటన జరిగింది. అద్దె బకాయిలు చెల్లించలేకపోయిన ఓ వ్యక్తి, తన భార్యతో పాటు మైనర్ కుమార్తెపై ఇంటి యజమాని లైంగిక దాడి చేయడానికి ఒప్పందం చేసుకున్నాడనే ఆరోపణలపై పోలీసులు ఇద్దరిని అరెస్ట్ చేశారు.
పోలీసుల వివరాల ప్రకారం… సురేంద్రనగర్కు చెందిన ఈ కుటుంబం ఉపాధి కోసం సుమారు ఆరు నెలల క్రితం మోర్బీకి వలస వచ్చింది. అక్కడ నెలకు రూ.2 వేల అద్దెతో ఓ ఇంటిలో నివసిస్తున్నారు. అయితే తీవ్ర ఆర్థిక ఇబ్బందుల కారణంగా నాలుగు నెలలుగా అద్దె చెల్లించలేదు.
ఈ నేపథ్యంలో, అద్దె బకాయిలకు బదులుగా తన భార్య, మైనర్ కుమార్తెపై లైంగిక దాడి చేయడానికి ఇంటి యజమానికి అనుమతి ఇచ్చినట్లు ఆరోపణలు వచ్చాయి.
ఈ దారుణ విషయం బాధిత మహిళ తల్లికి తెలిసిన వెంటనే ఆమె మోర్బీ పోలీస్ స్టేషన్లో ఫిర్యాదు చేసింది. కేసు నమోదు చేసిన పోలీసులు పోక్సో చట్టం సహా పలు సెక్షన్ల కింద దర్యాప్తు ప్రారంభించారు.
తదనంతరం మైనర్ బాలిక తండ్రి, ఇంటి యజమానిని పోలీసులు అరెస్ట్ చేశారు. “బాలిక తండ్రి, ఇంటి యజమాని కలిసి ఈ దారుణానికి పాల్పడ్డారు” అని డిప్యూటీ సూపరింటెండెంట్ ఆఫ్ పోలీస్ లాల్ తెలిపారు.
ఈ కేసులో మరో వ్యక్తి పాత్ర కూడా ఉన్నట్లు అనుమానిస్తున్న పోలీసులు అతని కోసం గాలింపు చర్యలు కొనసాగిస్తున్నారు.
