28.7 C
Hyderabad
Saturday, April 13, 2024
spot_img

SBI పై సుప్రీంకోర్టు ఆగ్రహం

ఎన్నికల బాండ్ల వ్యవహారంలో SBIపై సుప్రీంకోర్టు మరోసారి ఆగ్రహం వ్యక్తం చేసింది. తమ ఆదేశాల ప్రకారం బాండ్ల నంబర్లను కేంద్ర ఎన్నికల సంఘానికి ఇవ్వకపోవడంపై బ్యాంకును నిలదీసింది. నంబర్లతో సహా అన్ని వివరాలను ఈసీకి ఇచ్చి.. మార్చి 21లోగా తమకు ప్రమాణ పత్రాన్ని సమర్పించాలని SBIని ఆదేశించింది.

బాండ్ల విషయంలో SBI సెలెక్టివ్‌గా ఉండకూడదని… దీనికి సంబంధించిన ప్రతి సమాచారం బయటకు రావాలి. దేన్నీ అణచివేయకూడదనే ఉద్దేశంతోనే అన్ని వివరాలను ఇవ్వాలని సుప్రీం తీర్పు చెప్పింది. ఏ దాత ఏ పార్టీకి ఎంత ఇచ్చారనే విషయాన్ని తెలియజేసే యునిక్‌ నంబర్లతో పాటు అన్ని వివరాలను SBI ఈసీకి ఇవ్వాల్సిందేనని… ఇందులో ఎలాంటి సందేహాలకు ఇక తావులేదని భారత ప్రధాన న్యాయమూర్తి జస్టిస్‌ చంద్రచూడ్‌ నేతృత్వంలోని ధర్మాసనం స్పష్టం చేసింది.

ఎన్నికల బాండ్లకు సంబంధించిన పూర్తి వివరాలను ఈసీకి ఇచ్చేశామని చెబుతూ… మార్చి 21న సాయంత్రం 5 లోగా సుప్రీంలో అఫిడవిట్‌ దాఖలు చేయాలని SBI ఛైర్మన్‌ను ధర్మాసనం ఆదేశించింది. వివరాలు అందిన వెంటనే వాటిని ఎన్నికల సంఘం తమ వెబ్‌సైట్‌లో అప్‌లోడ్‌ చేయాలని స్పష్టం చేసింది.

ఎన్నికల బాండ్లను రద్దు చేస్తూ ఫిబ్రవరిలో సుప్రీంకోర్టు సంచలన తీర్పు వెలువరించింది. గత ఐదేళ్లలో జారీ చేసిన బాండ్ల వివరాలను ఈసీకి అందించాలని SBIని ఆదేశించింది. ఆ సమాచారాన్ని కేంద్ర ఎన్నికల సంఘానికి సమర్పించిన బ్యాంకు.. బాండ్ల నంబర్లను మాత్రం బయటపెట్టలేదు. ఏ సంస్థ బాండ్లను ఏ పార్టీకి విరాళంగా ఇచ్చారని తెలిపే ఈ నంబర్లు లేకపోవడంపై సుప్రీంకోర్టులో మరో పిటిషన్‌ దాఖలైంది. దీనిపై విచారణ జరిపిన న్యాయస్థానం బ్యాంకు తీరుపై అసహనం వ్యక్తం చేసింది.

Latest Articles

సొమ్ములున్న వాళ్లకే సీట్లు … గెలుపు కోసం నేతల ఫీట్లు

    ప్రస్తుతం ఎన్నికలన్నీ డబ్బు చుట్టూ తిరుగుతున్నాయి. ఎన్నికల్లో ధనప్రవాహం ఏడాదికేడాదికి పెరుగు తోంది. డబ్బులు లేకపోవడంతోనే లోక్‌సభ ఎన్నికల్లో తాను పోటీ చేయడం లేదని సాక్షాత్తూ కేంద్ర ఆర్థిక మంత్రి...
- Advertisement -

LEAVE A REPLY

Please enter your comment!
Please enter your name here

Stay Connected

2,000FansLike
1,000FollowersFollow
291FollowersFollow
150,000SubscribersSubscribe
- Advertisement -

Latest Articles

ఆంధ్ర ప్రదేశ్

తెలంగాణ

జాతీయం

అంతర్జాతీయం

ఎంటర్టైన్మెంట్