కామారెడ్డిపై స్పెషల్ ఫోకస్.. ముఖ్య నేతలకు కేసీఆర్ పిలుపు..!

కామారెడ్డి నియోజకవర్గంలో పలు గ్రామాలు ఇప్పటికే కేసీఆర్‌ను గెలిపించాలని ఏకగ్రీవ తీర్మానాలు చేశాయి. సీఎం కేసీఆర్ వస్తే కామారెడ్డి అభివృద్ధి చెందుతుందని ఆ నియోజకవర్గం ప్రజలు ఆశిస్తున్నారు.హైదరాబాద్‌లో ఆదివారం జరిగిన కామారెడ్డి ఎమ్మెల్యే గంప గోవర్ధన్ కుమారుడి వివాహానికి సీఎం కేసీఆర్ హాజరయ్యారు. నూతన వధూవరులను ఆశీర్వదించారు. ఈ క్రమంలో పెళ్లికి హాజరైన కామారెడ్డి ప్రజలు, యువత, మహిళలు పెద్ద ఎత్తున కేసీఆర్ ముందు నినాదాలు చేశారు.’కేసీఆర్‌ జిందాబాద్‌, జై కేసీఆర్‌’, ‘సీఎం కేసీఆర్‌ రావాలి’ ‘స్వాగతం కామారెడ్డికి స్వాగతం’ ‘కేసీఆర్‌ రావాలి కేసీఆర్‌ కావాలి’ ‘జై కేసీఆర్‌.. దేశ్‌కీ నేత కేసీఆర్‌’ వంటి నినాదాలతో ఆ వివాహ ప్రాంగణం దద్దరిల్లింది.