‘సోదర సోదరీమణులారా’ మూవీ రివ్యూ

సినిమా పేరు: సోదర సోదరీమణులారా

విడుదల తేదీ: 15-09-2023

నటీనటులు: కమల్ కామరాజు, అపర్ణాదేవి ప్రధాన పాత్రల్లో, కాలకేయ ప్రభాకర్, పృథ్వీ తదితరులు

రచన, దర్శకత్వం : రఘుపతి రెడ్డి గుండా
నిర్మాత : విజయ్ కుమార్ పైండ్ల
సినిమాటోగ్రఫీ : మోహన్ చారి
నేపథ్య సంగీతం : వర్ధన్
ఎడిటర్ : పవన్ శేఖర్ పసుపులేటి
పీఆర్వో: బీఏ రాజు ‘s టీం
పబ్లిసిటీ డిజైనర్ : వివ రెడ్డి

9 EM ఎంటర్టైన్మెంట్స్, IR మూవీస్ బ్యానర్స్‌పై కమల్ కామరాజు, అపర్ణాదేవి జంటగా నూతన దర్శకుడు రఘుపతిరెడ్డి గుండ రచన, దర్శకత్వంలో విజయ్ కుమార్ పైండ్ల నిర్మించిన ఎమోషనల్, హార్ట్ టచింగ్ ఫ్యామిలీ డ్రామా ‘సోదర సోదరీమణులారా…’. ఈ చిత్రం నుండి విడుదలైన ట్రైలర్, టీజర్, పాటలు ప్రేక్షకులను ఎంతో అలరించాయి. అన్ని కార్యక్రమాలు పూర్తి చేసుకొని వినాయక చవితి సందర్భంగా సెప్టెంబర్ 15న గ్రాండ్‌గా ప్రేక్షకుల ముందుకు వచ్చిన “సోదర సోదరీమణులారా”.. సినిమాను ఒకరోజు ముందే మీడియాకు ప్రివ్యూ వేశారు. ఈ సినిమా ఎలా ఉందో ఇప్పుడు రివ్యూలో చూద్దాం..

కథ:

క్యాబ్ డ్రైవర్ రాజు (కమల్ కామరాజు) భార్య శ్రావణి (అపర్ణాదేవి), కూతురు మహాతో కష్టపడుతూ జీవితం గడుపుతుంటాడు. కారు ఈఎంఐ కట్టడానికి డబ్బుకోసం రాత్రింబవళ్లు పని చేస్తుంటాడు. ఇటువంటి పరిస్థితుల్లో లేట్ నైట్‌లో సన్నీ అనే వ్యక్తి క్యాబ్ డ్రైవర్ రాజును వికారాబాద్ అడవుల్లో ఉన్న రిసార్ట్‌కు తీసుకెళ్లమని అడుగుతాడు. ఎక్కువ డబ్బులు వస్తాయన్న ఆశతో రాజు అక్కడికి వెళతాడు. అక్కడ జరిగిన కొన్ని పరిస్థితుల వల్ల ఒక అమ్మాయిని తన క్యాబ్‌లో ఎక్కించుకుని తిరుగు ప్రయాణం అవుతాడు. దారిలో పోలీసులు చెక్ చేయగా క్యాబ్‌లో ఉన్న అమ్మాయి మరణించి ఉంటుంది. దీంతో రాజుపై రేప్, మర్డర్ కేస్ బుక్ చేస్తారు పోలీసులు. అసలు ఆ అమ్మాయి ఎవరు? రాజుకు, ఆ అమ్మాయికి ఉన్న సంబంధం ఏమిటి? పోలీసులు చెప్పిన ప్రకారంగా రాజే ఆ ఆమ్మాయిని రేప్ చేసి మర్డర్ చేశాడా? లేక ఎవరైనా రాజును ఈ కేసులో ఇరికించారా? రాజు భార్య శ్రావణి తన భర్తను నిర్దోషిగా నిరూపించుకోవడానికి ఎలాంటి పోరాటం చేసింది? అనేది తెలుసుకోవాలంటే థియేటర్లో సినిమా చూడాల్సిందే..

విశ్లేషణ:

పోలీసులు తలచుకుంటే ఒక కేసును ఎలాగైనా మార్చేస్తారనే దాన్ని ఈ సినిమాలో దర్శకుడు చక్కగా చూపించారు. ఉన్నతాధికారులు, రాజకీయ నాయకులు చెప్పినట్లు విని నిర్ధోషులను దోషులుగా నిరూపిస్తూ వాళ్ల జీవితాలతో చెలగాటం ఆడడం.. తర్వాత ప్రమోషన్స్ పొందడం.. ఒక వేళ కథ అడ్డం తిరిగితే వాళ్లనే ఎదురించడం.. ఇలాంటివి నిజ జీవితాల్లో చాలా జరుగుతున్నాయి. వీటిని తన కథాంశంగా తీసుకున్న దర్శకుడు తాను చెప్పాలనుకున్నది సూటిగా చెప్పే ప్రయత్నం చేశారు. నూతన దర్శకుడు అయినా ఏ మాత్రం మొహమాటం లేకుండా తన పాయింట్‌ను స్ట్రయిట్‌గా చెప్పే ప్రయత్నం చేశారు. అయితే చిన్న బడ్జెట్ చిత్రం కావడంతో దర్శకుడి సృజనాత్మకతను పూర్తిగా చూపించే అవకాశం లేనట్లు అర్థమవుతోంది.

నటీ నటుల పనితీరు:
అమాయక క్యాబ్ డ్రైవర్ రాజు పాత్రలో కమల్ కామరాజు చక్కగా మెప్పించాడు. తన నటనతో ప్రేక్షకులను ఆకట్టుకున్నాడు. రాజు భార్యగా నటించిన శ్రావణి (అపర్ణాదేవి) ఇన్నోసెంట్ భార్యగా చక్కటి పెర్ఫార్మన్స్ చేసింది. తెరపై వీరిద్దరి జోడీ చాలా క్యూట్‌గా ఉంది. హోం మినిస్టర్‌గా సీనియర్ నటుడు పృథ్వీ నెగటివ్‌ షేడ్‌‌లో ఆకట్టుకున్నాడు.తన పాత్రతో సినిమాకు ప్రాణం పోశాడు. సీఐ భాస్కర్ పాత్రలో బాహుబలి ప్రభాకర్ చక్కటి ప్రదర్శన చూపించాడు. ఎస్పీ పాత్రలో వెంకటేశ్వర్ రావు నటించారు. ఇతర పాత్రధారులు కూడా వారికిచ్చిన పాత్రలకు న్యాయం చేశారు.

సాంకేతిక నిపుణుల పనితీరు:

ఒక రిసార్ట్‌కు గెస్ట్‌ను డ్రాప్ చేయడానికి వెళ్లిన క్యాబ్ డ్రైవర్ రాజు లైఫ్ ఎలా టర్న్ అయింది అనే ఓ రెగ్యూలర్‌ స్టోరీని తీసుకుని ఇంట్రెస్టింగ్ కలిగించే ఎమోషనల్, హార్ట్ టచింగ్ ఫ్యామిలీ డ్రామా కథను ఎంచుకుని ఒక్క పాట కూడా లేకుండా ఆసక్తికరమైన గ్రిప్పింగ్, స్క్రీన్ ప్లేతో క్యూరియాసిటిని పెంచుతూ ఆర్టిస్టులు రియాలిస్టిక్ పెర్ఫార్మన్స్‌తో యూత్‌కి బాగా కనెక్ట్ అయ్యే విధంగా చాలా చక్కగా తెరకెక్కించారు దర్శకుడు డైరెక్టర్ రఘుపతి రెడ్డి. ఫస్టాఫ్‌తో పోలిస్తే సెకండాఫ్‌లో కథ ఇంట్రెస్టింగ్‌‌గా మారుతుంది. మోహన్ చారి కెమెరా వర్క్ బాగుంది. విజువల్స్ కొత్తగా ఉన్నాయి. వర్ధన్ అందించిన నేపథ్య సంగీతం పర్వాలేదు. పవన్ శేఖర్ పసుపులేటి తన కత్తెరకు ఇంకాస్త పని చెప్తే బాగుండేది.

చివరగా.. సోదర సోదరీమణులారా చిత్రాన్ని ఓసారి చూడొచ్చు

రేటింగ్: 2.5/5