Free Porn
xbporn
23.2 C
Hyderabad
Thursday, July 25, 2024
spot_img

తెలంగాణలో ఒక్కోటిగా వెలుగులోకి వస్తున్న కుంభకోణాలు

ఒకదాని వెంట మరోటి అన్నట్లుగా ఉంది పరిస్థితి. అవును బీఆర్ఎస్ హయాంలో చోటు చేసుకున్న కుంభకోణాలు, అవినీతి ఆరోపణలు, ఆర్థిక అవకతవకల విషయంపై తెలంగాణ ప్రభుత్వం విచారిస్తున్న కొద్దీ సంచలన విషయాలు వెలుగులోకి వస్తున్నాయి. కాళేశ్వరం ప్రాజెక్టులో భాగంగా నిర్మించిన బ్యారేజీ లు కావచ్చు. యాదాద్రి థర్మల్ పవర్ ప్రాజెక్టుతోపాటు చత్తీస్‌గఢ్‌తో విద్యుత్ ఒప్పందాలు కావచ్చు.  గొర్రెల స్కాం కావచ్చు. ఇలా ఏది చూసినా ఎన్నో అనుమానాలు తలెత్తుతున్నాయి. మరోవైపు విద్యుత్ కొనుగోళ్ల వ్యవహారంలో కేసీఆర్ వివరణ ఇవ్వాలంటూ నోటీసులు ఇవ్వడం, ఇందుకు సమాధానం చెప్పాలన్న గడువు సమీపిస్తుండడంతో గులాబీ బాస్‌ ఏం చేస్తారన్న ప్రశ్నలు విన్పిస్తున్నాయి.

అధికారంలో ఉన్న పదేళ్లు ఇష్టారాజ్యంగా బీఆర్ఎస్ నేతలు చెలరేగిపోయారా ? అంతులేని అవినీతి, అవకతవకలు గత ప్రభుత్వ హయాంలో చోటు చేసుకున్నాయా అంటే అవుననే అంటున్నారు కాంగ్రెస్ నేతలు.ఇదే విషయంపై పలు మార్లు శాసనసభలోనూ కేసీఆర్ హయాంలో జరిగిన ఆర్థిక అవకతవకలను ఎక్కడికక్కడ సీఎం రేవంత్ రెడ్డి సహా మంత్రులు ఎండగట్టారు. అయితే బీఆర్ఎస్ నేతలు సవాళ్లు విసరడంతో ఆయా అంశాలపై న్యాయ విచారణకు ఆదేశించారు. దీంతో పలు అంశాల్లో సంచలన విషయాలు వెలుగులోకి వస్తున్నాయి. ఈ క్రమంలోనే మొదటగా గుర్తొచ్చేది కాళేశ్వరం ప్రాజెక్టుఅందులో భాగంగా నిర్మించిన బ్యారేజీలు. సరిగ్గా తెలంగాణ అసెంబ్లీ ఎన్నికలకు ముందు మేడిగడ్డ బ్యారేజీ కుంగిపోవడం, తదనంతర పరిణామాల్లో రేవంత్ సర్కారు న్యాయ విచారణకు ఆదేశించింది. దీంతో జస్టిస్ పి.సి.ఘోష్ నేతృత్వంలోని కమిషన్ న్యాయ విచారణ చేపట్టి శరవేగంగా ముందుకు వెళుతోంది. ఈ క్రమంలోనే కాళేశ్వరంపై న్యాయ విచారణ పూర్తి పారదర్శకంగా నిర్వహిస్తున్నట్లు కమిషన్ ఛైర్మన్ జస్టిస్ పీసీ ఘోష్ వెల్లడించారు. త్వరలోనే ఆర్థిక అంశాలపై విచారణ ప్రారంభిస్తామన్నారు. ఈ అంశంపై ఎవరి వద్దైనా సమాచారం ఉంటే కమిషన్‌కు అందచేయాలని సూచించారు జస్టిస్ పి.సి.ఘోష్.

ఇక, కాళేశ్వరం బ్యారెజీలపై విజిలెన్స్ అండ్‌ ఎన్‌ఫోర్స్‌మెంట్ విభాగం నివేదిక ఇవ్వాలని ప్రభుత్వానికి సూచించినా అది ఇంకా తమకు అందకపోవడంపై కమిషన్ అసంతృప్తిగా ఉన్నట్లు సమాచారం. దీనిపై మరోసారి సర్కారుకు లేఖ రాయాలని నిర్ణయించుకున్నట్లు తెలుస్తోంది. మరోవైపు.. కాగ్ సమర్పించిన నివేదికపై ఇప్పటికే అధ్యయనం చేసిన కమిషన్ పలు అంశాలను గుర్తించినట్లు తెలిసింది. అవసరం అనుకుంటే కాగ్ అధికారులను సైతం విచారణకు పిలవనున్నట్లు తెలుస్తోంది. కాళేశ్వరం బ్యారేజీలకు సంబంధించి అఫిడవిట్లు దాఖలు చేసిన వారిని ఈ విచారణలో బాగస్వాములను చేయనున్నారు. బ్యారేజీల్లో తలెత్తిన లోపాలకు కారణాలు అన్వేషించే క్రమంలో ఆర్థిక పరమైన అవకతవకలపై కమిషన్ దృష్టి సారించనుంది. దీనిలో భాగంగా ప్రాజెక్టు అంచనాలు, నిర్మాణాలకు తీసుకున్న రుణాలు, వడ్డీరేట్ల పై విచారణ చేయనుంది. పలు బ్యాంకులు, కార్పొరేషన్ల నుంచి రుణాలుగా తెచ్చిన నిధుల వ్యయం లక్ష్యం మేరకు జరిగిందా లేదా అన్న కోణంలోనూ ఆరాతీయనుంది జస్టిస్ పి.సి.ఘోష్ కమిషన్. త్వరలో ఇందుకు సంబంధించి క్షేత్రస్థాయిలో పర్యటనలకు సిద్ధమవుతున్నారు కమిషన్ సభ్యులు.

ఇప్పటికే డిజైన్, ప్లానింగ్, కన్‌స్ట్రక్షన్, నిర్వహణకు సంబంధించి ఇంజినీరింగ్ వర్గాల నుంచి కీలక సమాచారాన్ని రాబట్టారు కమిషన్ ఛైర్మన్ జస్టిస్ పి.సి.ఘోష్. ఆయా నిర్మాణాల్లో నిబంధనలను ఏ మేరకు అమలు చేశారన్న దానిపై సంబంధిత ఏజెన్సీల ప్రతినిధులను సైతం విచారణకు పిలిచి వారి నుంచి పలు అంశాలకు సంబంధించి ప్రశ్నలకు సమాధానాలు రాబట్టింది కమిషన్. అలాగే బ్యారేజీలకు వాటిల్లిన నష్టం వెనుక కారణాలకు సంబంధించి వివరాలను నమోదు చేసింది. అయితే మేడిగడ్డను బ్యారేజీగా నిర్మించి డ్యాం మాదిరిగా నీటిని నిల్వ చేయడం వల్లే సమస్యలు ఉత్పన్నమైనట్లు కమిషన్‌కు నిపుణుల కమిటీ వివరించినట్లుగా తెలిసింది. బ్యారేజీలపై కమిషన్ ఏర్పాటు చేసిన ఆయా నిపుణులతో జస్టిస్ పీసీ ఘోష్ సమావేశం సందర్భంగా ఈ అంశాలు వెలుగులోకి వచ్చినట్లు తెలుస్తోంది. బ్యారేజీ సామర్థ్యం కన్నా ఎక్కువ నీటిని నిల్వచేశారని ఈ సందర్భంగా వివరించినట్లు తెలుస్తోంది. మొత్తంగా త్వరలోనే కాళేశ్వరం వ్యవహారంలో గత ప్రభుత్వ హయాంలో ఏం జరిగిందన్నది తేలనుంది.

తెలంగాణ ప్రభుత్వం న్యాయవిచారణకు ఆదేశించిన అంశాల్లో మరోటి విద్యుత్ కొనుగోళ్ల వ్యవహారం. ఈ అంశంపై మాజీ సీఎం కేసీఆర్‌కు నోటీసులు సైతం ఇచ్చింది జస్టిస్ ఎల్ నరసింహారెడ్డి కమిషన్. యాదాద్రి థర్మల్ పవర్ ప్లాంట్ నిర్మాణం, చత్తీస్‌గఢ్ కరెంటు కొనుగోళ్లకు సంబంధించి గత ప్రభుత్వం అనసరించిన విధానంపై లోతైన విచారణ జరుపుతోంది కమిషన్. ఇందులో భాగంగానే మాజీ సీఎం కేసీఆర్, సురేష్ చందా, అమిత్ మిశ్రా సహా 25 మందికి నోటీసులు ఇచ్చినట్లు జస్టిస్ నరసింహారెడ్డి తెలిపారు. ఇందులో భాగంగా వివరణ ఇచ్చేందుకు మాజీ సీఎం కేసీఆర్ జులై 30 వరకు సమయం అడిగారని.. అయితే.. జూన్ 15లోగా వివరణ ఇవ్వాలని కేసీఆర్‌కు చెప్పినట్లు వెల్లడించారు జస్టిస్ నరసింహారెడ్డి.

   మరోవైపు ఇప్పటికే యాదాద్రి థర్మల్ పవర్ ప్లాంట్, చత్తీస్‌గఢ్‌ విద్యుత్ ఒప్పందాల విషయంలో గత బీఆర్ఎస్ ప్రభుత్వం అనుసరించిన విధానాలపై విచారణ జరిపింది జస్టిస్ నరసింహారెడ్డి నేతృత్వంలోని జ్యుడీషియల్ కమిషన్. ఇందులో భాగంగా విచారణకు హాజరైన అధికారులను ప్రశ్నలతో ఉక్కిరిబిక్కిరి చేసింది. కాంపిటీటివ్ విధానం పాటించ కుండా, టెండర్లు పిలవకుండా నిర్మాణం, కొనుగోళ్లు చేపట్టడం వల్ల ఆర్థికభారం ఎక్కువై ప్రజాధనం వృథాకాదా అంటూ ప్రశ్నించారు. బీఆర్ఎస్ హయాంలో ఇంధన శాఖ ముఖ్యకార్యదర్శిగా పనిచేసిన సురేష్ చందా, నాటి జెన్‌కో ట్రాన్స్‌కో సీఎండీ దేవులపల్లి ప్రభాకర్‌ రావులను కమిషన్ కార్యాలయానికి పిలిపించి వివిధ అంశాలపై ప్రశ్నించింది. అసలు యాదాద్రి థర్మల్ పవర్ ప్లాంట్‌కు టెండర్లు పిలవకుండా ఒప్పందం చేసుకొని నేరుగా బీహెచ్‌ఈఎల్‌కు కేటాయించా ల్సిన అవసరం ఏంటని కమిషన్ ప్రశ్నించింది. ప్రభుత్వం చేపట్టే ఏ ప్రాజెక్టు అయినా కాంపిటేటివ్ బిడ్డింగ్ విధానంలో టెండర్లు పిలిచి తక్కువ ధరలకు పనులు చేయడానికి ముందుకు వచ్చే సంస్థకే కేటాయిం చాలన్న నిబంధనలు ఉన్నా వాటిని ఎందుకు అతిక్రమించారని నిలదీసింది. బీహెచ్‌ఈఎల్ కేంద్ర ప్రభుత్వ రంగ సంస్థ అయినంత మాత్రాన తక్కువ ధరకు చేస్తుందా లేదా అన్న విషయం టెండర్లు పిలిచిన తర్వాత కదా తెలిసేది అంటూ ప్రశ్నించింది కమిషన్. అటు చత్తీస్‌గఢ్‌ నుంచి విద్యుత్ కొనుగోలు ఒప్పందాలపైనా విచారణ జరిపింది కమిషన్. అయితే నాటి రాష్ట్ర ప్రభుత్వం నిర్ణయించిన ప్రకారమే చత్తీస్‌గఢ్ నుంచి కరెంటు కొనుగోలు చేసినట్లు కమిషన్‌ ముందు వివరించారు అధికారులు. అయితే పీపీఏ చేసుకునే ముందు దేశ వ్యాప్తంగా టెండర్లు ఆహ్వానిస్తే తక్కువ ధరకు కరెంటు విక్రయిం చేందుకు ఇతర విద్యుత్ కంపెనీలు ముందుకు వచ్చేవి కదా అంటూ కమిషన్ ప్రశ్నించినట్లుగా సమాచారం. ఈ మొత్తం వ్యవహారంలో కాంపిటీటివ్ బిడ్డింగ్ విధానాన్ని పక్కనపెట్టి చత్తీస్‌గఢ్‌ ప్రభుత్వం తో ఒప్పందం చేసుకోవడం వల్ల తెలంగాణ విద్యుత్ సంస్థలపై ఆర్థికంగా భారం పడింది కదాని కమిషన్ వ్యాఖ్యానించినట్లు తెలుస్తోంది.

  తెలంగాణలో సంచలనం సృష్టించిన అంశాల్లో గొర్రెల స్కాం ఒకటి.పెద్ద మొత్తంలో డబ్బులు చేతులు మారిన అంశాలు ఒక్కోటిగా విచారణలో వెల్లడవుతున్నాయన్న సమాచారం బయటకు వస్తోంది. దీంతో భారీ కుంభకోణంగా మారుతున్న నేపథ్యంలో గొర్రెల స్కామ్‌లో దర్యాప్తునకు ఎన్‌ఫోర్స్‌మెంట్ డైరెక్టరేట్ రంగంలోకి దిగింది. ఈ స్కీముకు సంబంధించిన పూర్తి వివరాలను ఇవ్వాలని ఈడీ కోరింది. అసలు గొర్రెల కొనుగోళ్ల కోసం ఏయే జిల్లాల్లో ఎవరెవరు అధికారుల బ్యాంకు ఖాతాల్లో డబ్బులు జమ అయ్యాయో వివరాలు కావాలని ఆదేశించింది. మొత్తంగా పది అంశాలకు సంబంధించిన తమ ప్రశ్నలకు జవాబులు ఇవ్వాలని సూచించారు. ఈ క్రమంలోనే పశుసంవర్థక శాఖ కార్యాలయానికి సైతం వచ్చారు ఈడీ అధికారులు. స్థానికంగా ఉన్న వారిని అడిగి మరిన్ని వివరాలు రాబట్టారు. మొత్తంగా చూస్తే, గత ప్రభుత్వ హయాంలో చోటు చేసుకున్న అనేక అవకతవకలు వెలుగులోకి వస్తుండడంతో రాబోయే రోజుల్లో ఇంకెన్ని స్కాంలు బయటకు వస్తాయోనన్న అభిప్రాయం వ్యక్తమవుతోంది.

Latest Articles

ట్రెండింగ్‌లో సుధీర్ బాబు ‘హరోంహర’

సుధీర్‌బాబు హీరోగా జ్ఞానసాగర్‌ ద్వారక తెరకెక్కించిన చిత్రం ‘హరోం హర’. యాక్షన్‌ డ్రామాగా ప్రేక్షకుల ముందుకువచ్చిన ఈ చిత్రం ఓటీటీలో అలరిస్తోంది. ఏకంగా మూడు ఓటీటీల్లో అందుబాటులో ఉంది. ఈటీవీ విన్‌, ఆహాలతో...
- Advertisement -

LEAVE A REPLY

Please enter your comment!
Please enter your name here

Stay Connected

2,000FansLike
1,000FollowersFollow
291FollowersFollow
150,000SubscribersSubscribe
- Advertisement -

Latest Articles

ఆంధ్ర ప్రదేశ్

తెలంగాణ

జాతీయం

అంతర్జాతీయం

ఎంటర్టైన్మెంట్