ప్రజ్ఞానంద చరిత్రాత్మక ఘనత.. నార్వే చెస్ టైటిల్ గెలిచిన తొలి భారతీయుడిగా రికార్డు

గ్రాండ్ మాస్టర్ ప్రజ్ఞానంద చరిత్ర సృష్టించాడు. నార్వే చెస్‌ టోర్నమెంట్ టైటిల్‌ను గెలుచుకున్న తొలి భారతీయుడిగా నిలిచాడు. 20 ఏళ్ల ఈ భారత చెస్‌ స్టార్‌ జర్మనీకి చెందిన విన్సెంట్ కీమర్‌ను ఓడించి చరిత్ర సృష్టించాడు. చివరి రోజు ప్రారంభానికి ముందు 15 పాయింట్లతో మూడో స్థానంలో ఉన్న ప్రజ్ఞానంద కీలక సమయంలో అద్భుత ప్రతిభ కనబరిచి తన క్లాసికల్‌ గేమ్‌లో విజయం సాధించాడు. ఈ విజయంతో ప్రజ్ఞానందకు మూడు కీలక పాయింట్లు లభించగా.. మొత్తం 18 పాయింట్లకు చేరాయి. దీంతో ప్రపంచంలోనే అత్యంత ప్రతిష్టాత్మక చెస్‌ టోర్నమెంట్లలో ఒకటైన నార్వే చెస్‌ టైటిల్‌ను కైవసం చేసుకున్నాడు.