ప్రెస్ మీట్ అనంతరం పవన్ వరుస ట్వీట్లు

తెలంగాణలో పవన్ రాజకీయాలపై విమర్శలు వస్తున్న వేళ జనసేనాని చేసిన పోస్టు ఇప్పుడు చర్చనీయాంశంగా మారింది. నిన్న ప్రెస్ మీట్ అనంతరం పవన్ వరుస ట్వీట్లు చేస్తున్నారు. ఏ రాస్తా యుద్ధాలు చేస్తుందో.. ప్రాణాల్ని ఆటబంతుల్లా విసిరేస్తుందో గెలుస్తుందో ఓడుతుందో.. కానీ ముందుకు పోతుందో.. అదే తన రాస్తా అంటూ రాసుకొచ్చారు. ఏ రాస్తాలో సంకెళ్లు కూడా సవాల్ చేస్తాయో.. అపజయం కూడా అగ్నిజ్వాలై మండుతుందో.. మరణం మహాప్రబంధంగా ప్రతిధ్వనిస్తుందో అదే తన రాస్తా… అంటూ చెప్పుకొచ్చారు. ఈ కవితను ప్రముఖ కవి శేషేంద్ర రాశారు. దీనికంటే ముందు జై తెలంగాణ, జై భారత్, జై హింద్ అంటూ పవన్ పోస్ట్ చేశారు. వరుస ట్వీట్లు చేస్తుండటంతో పవన్ చెప్పినట్టుగానే తెలంగాణలో పార్టీని బలోపేతం చేసే దిశగా అడుగులు వేస్తున్నట్టు కనిపిస్తోంది.