కాకినాడ పోర్టును రేషన్ మాఫియాకి అడ్డగా మార్చారని మంత్రి నాదెండ్ల మనోహర్ అన్నారు. పోర్టు వద్ద చెక్ పోస్టును మంత్రి తనిఖీ చేశారు. రేషన్ మాఫియా అక్రమాలపై సీఎం చంద్రబాబుతో త్వరలోనే చర్చిస్తామని అన్నారు. అక్రమాలకు పాల్పడిన వారిపై వెంటనే సీఐడీ, ఇతర దర్యాప్తు సంస్థలతో ఎంక్వైరీ చేయిస్తామని తెలిపారు. అక్రమార్జనతో, నిబంధనలకు తుంగలో తొక్కి వ్యాపారులను తాము వదిలిపెట్టబోమని స్పష్టం చేశారు. చెక్పోస్టుల ఏర్పాటు, తనిఖీల విషయంలో ఏ మాత్రం తగ్గేదేలేదని మంత్రి నాదెండ్ల చెప్పారు.
