రానున్న రెండ్రోజులు వర్షాలు.. ఒకట్రెండు చోట్ల వడగండ్ల వానలు

Telangana | తెలంగాణాలో రానున్న రెండ్రోజులు పలుచోట్ల తేలికపాటి వర్షాలు.. మరికొన్నిచోట్ల మోస్తరు వర్షాలు కురిసే అవకాశం ఉన్నట్లు వాతావరణ శాఖ సూచించింది. పశ్చిమ విదర్భ నుంచి మరఠ్వాడ, ఇంటీరియర్‌ కర్ణాటక మీదుగా ఉత్తర తమిళనాడు వరకు ఉపరితల ద్రోణి ఆవరించి ఉందని తెలిపింది. దీని ప్రభావంతో రాష్ట్రంలో ఉత్తరాది జిల్లాలు, తూర్పు ప్రాంతంలోని జిల్లాల్లో పలు చోట్ల ఉరుములు, మెరుపులతో కూడిన తేలికపాటి నుంచి మోస్తరు వర్షాలు కురిసే అవకాశం ఉందని హెచ్చరించింది. రాష్ట్రంలో ఒకట్రెండు చోట్ల వడగండ్ల వానలు కూడా కురిసే అవకాశం ఉందని తెలిపింది.