అంబరాన్ని అంటుతున్న ఐఫా సంబరాలు

స్వతంత్ర వెబ్ డెస్క్: దుబాయి వేదికగా అంగరంగా వైభవంగా ఐఫా- 2023 వేడుకులు జరుగుతున్నాయి. సినీ తారల అందాల నడుమ అదిరే సంబరాలు అంబరాన్ని అంటుతున్నాయి. శనివారం రాత్రి జరిగిన ఈ ఈవెంట్ కి అభిషేక్ బచ్చన్, విక్కీ కౌశల్ వ్యాఖ్యాతలుగా వ్యవహరించారు. ఇంకా ఈ అవార్డుల ప్రదానోత్సవంలో.. విక్రమ్ వేద సినిమాకి గాను ఉత్తమ నటుడిగా హృతిక్ రోషన్ అవార్డును అందుకున్నారు. ఇంకా గంగూబాయి కతియావాడి చిత్రంలో నటనకు అలియా భట్ ని ఉత్తమ నటి అవార్డు వరించింది. అయితే కొన్ని కారణాల రీత్యా అలియా ఈ వేడుకలకు హాజరు కాలేకపోవడంతో ఆమె తరపున నిర్మాత జయంతిలాల్‌ స్వీకరించారు. ఉత్తమ చిత్రంగా మిస్టరీ థ్రిల్లర్ దృశ్యం 2 నిలిచింది. అలాగే అవుట్‌స్టాండింగ్‌ అచీవ్‌మెంట్‌ ఇన్‌ ఫ్యాషన్‌ ఇన్‌ సినిమా అవార్డు మనీష్‌ మల్హోత్ర అందుకోగా, భారతీయ చిత్ర పరిశ్రమకు విశేష సేవలందించినందుకు గానూ నటుడు కమల్‌హాసన్‌ అవుట్‌ స్టాండింగ్‌ అచీవ్‌మెంట్‌ ఇన్‌ ఇండియన్‌ సినిమా పురస్కారాన్ని అందుకున్నారు. అవుట్‌ స్టాండింగ్‌ అచీవ్‌మెంట్‌ ఇన్‌ రీజినల్‌ సినిమా పురస్కారాన్ని రితేష్‌ దేశ్‌ముఖ్‌, జెనీలియా దంపతులు అందుకున్నారు.

ఇంకా అవార్డుల వేడుకల్లో అభిషేక్, విక్కీ తమ హోస్టింగ్‌తో అదరగొట్టగా.. నోరాహి ఫతేహి, రకుల్‌ ప్రీత్‌ సింగ్‌, జాక్వెలిన్‌ ఫెర్నాండెజ్‌, కృతి సనన్‌ తదితర అందాల భామలు తమ డ్యాన్స్‌లతో వీక్షకులను మైమరిపించారు. వేడుకలో భాగంగా భిన్న ఫ్యాషన్‌ డ్రెస్సులో కార్పెట్‌పై హొయలొలికించారు అందాల భామలు. కెమెరాలకు అదిరిపోయే పోజులు ఇవ్వడంతో పాటు స్టేజ్​పై తమ అనుభవాలను మీడియా ప్రతినిధులతో పంచుకున్నారు.

ఉత్తమ నటుడు: హృతిక్‌ రోషన్‌ (విక్రమ్‌ వేద)
ఉత్తమ నటి: అలియా భట్‌ (గంగూబాయి కాఠియావాడి)
ఉత్తమ సహాయ నటుడు: అనిల్‌ కపూర్‌ (జగ్‌జగ్‌ జీయో)
ఉత్తమ సహాయనటి: మౌనీ రాయ్‌(బ్రహ్మాస్త్ర: పార్ట్‌-1)
ఉత్తమ దర్శకుడు: ఆర్‌.మాధవన్‌ (రాకెట్రీ: ది నంబి ఎఫెక్ట్‌)
ఉత్తమ చిత్రం: దృశ్యం2
ఉత్తమ సంగీత దర్శకుడు: ప్రీతమ్‌ (బ్రహ్మాస్త్ర: పార్ట్‌-1)
ఉత్తమ గీత రచయిత: అమిత్‌ భట్టాచార్య (కేసరియా: బ్రహ్మాస్త్ర: పార్ట్‌-1)
ఉత్తమ సినిమాటోగ్రఫీ: గంగూబాయి కాఠియావాడి
ఉత్తమ స్క్రీన్‌ప్లే : గంగూబాయి కాఠియావాడి
ఉత్తమ సంభాషణలు: గంగూబాయి కాఠియావాడి
ఉత్తమ కొరియోగ్రఫీ: భూల్‌ భూలయా2
ఉత్తమ సౌండ్‌ డిజైన్‌: భూల్‌ భూలయా 2
ఉత్తమ ఎడిటింగ్‌: దృశ్యం2
ఉత్తమ విజువల్‌ ఎఫెక్ట్స్‌ : బ్రహ్మాస్త్ర: పార్ట్‌-1
ఉత్తమ నేపథ్య సంగీతం: విక్రమ్‌ వేద
ఉత్తమ సౌండ్‌ మిక్సింగ్‌: మోనికా ఓ మై డార్లింగ్‌
ఉత్తమ తొలి చిత్ర నటి: కుషాలీ కుమార్‌ (దోఖా: రౌండ్‌ డి కార్నర్‌)